ఈ సాహసానికి స్ఫూర్తి ఎవరంటే!

ముంబయి: సినిమా కోసం...అందులోని పాత్ర కోసం ఎంతటి కష్టమైనా పడితేనే ఆ పాత్ర పండుతుంది అని బలంగా నమ్మే బాలీవుడ్‌ యువ కథానాయకుల్లో విక్కీ కౌశల్‌ ఒకడు. ‘రాజీ’, ‘సంజు’, ‘ఉరి: ది సర్జికల్‌ స్ట్రైక్‌’...ఇలా విజయవంతమైన చిత్రాలతో తన ప్రత్యేకత ఏంటో చాటుకున్నాడు విక్కీ. ఇప్పుడు చేతినిండా చిత్రాలతో తీరిక లేకుండా ఉన్నాడు. తాజాగా నటిస్తున్న చిత్రం కోసం గుర్రపు స్వారీ నేర్చుకుంటున్నాడు. గుర్రంపై నిల్చొని రెండు చేతులతో బ్యాలెన్స్‌ చేసుకుంటూ ఓ ఫీట్‌ చేశాడు. దీన్ని ఇన్‌స్టాలో పంచుకున్నాడు. పైగా దీనికి స్ఫూర్తి అనిల్‌ కపూర్‌ గీసిన పెయింటింగ్‌ అంటున్నాడు. అనిల్‌కపూర్‌ మజ్ను భాయిగా నటించిన ‘వెల్‌కమ్‌’ చిత్రంలో ‘గుర్రంపై గాడిద’ కూర్చొని ఉన్న బొమ్మే స్ఫూర్తని చెబుతూ పోస్ట్‌ చేశాడు విక్కీ.