Merry Christmas: వానవిల్లులా చీకటి నాట్యం

క్రిస్మస్‌ వేడుకను ఎంత ఘనంగా చేసుకుంటారో, ఆ ప్రత్యేకమైన రోజును కుటుంబంతో ఎంత ఆనందంగా గడుపుతారో తెలియజేస్తూ టైటిల్‌ సాంగ్‌ను విడుదల చేసింది ‘మెరీ క్రిస్మస్‌’ చిత్రబృందం. విజయ్‌ సేతుపతి, కత్రినా కైఫ్‌ జంటగా నటిస్తున్న చిత్రమిది. ఈ రొమాంటిక్‌ సస్పెన్స్‌ థ్రిల్లర్‌ని శ్రీరామ్‌ రాఘవన్‌ తెరకెక్కిస్తున్నారు. ఇటీవల ఈ సినిమా ట్రైలర్‌ విడుదలై మంచి స్పందనను సొంతం చేసుకుంది. ఈ సినిమా జనవరి 12న విడుదల కానున్న నేపథ్యంలో ప్రచార కార్యక్రమాల్ని మొదలు పెట్టింది చిత్రబృందం. ఈ సందర్భంగా సినిమా టైటిల్‌ ట్రాక్‌ను ప్రేక్షకులకు క్రిస్మస్‌ కానుకగా సామాజిక మాధ్యమాల వేదికగా అందించారు. ఈ పాటను అష్‌ సింగ్‌ ఆలపించగా ప్రీతమ్‌ బాణీలు సమకూర్చారు. ‘రంగుల్లో వెలిగే చీకటే వానవిల్లుల నాట్యం చేసేనే’ అంటూ సాగిన ఈ పాట ఆకట్టుకుంది. హిందీ, తమిళ భాషల్లో ఈ సినిమా అభిమానుల ముందుకు రానుంది.