Vijay Sethupathi: విభీషణుడిగా విజయ్‌ సేతుపతి?

రామాయణం ఆధారంగా ఎన్ని సినిమాలొచ్చినా సినీప్రియులు ఆదరిస్తూనే ఉంటారు. ఇటీవలే ప్రముఖ దర్శకుడు నితీశ్‌ కుమార్‌ రామాయణ మహాకావ్యాన్ని తెరపై చూపించడానికి సన్నాహాలు చేస్తున్నట్లు తెలిపారు. ఈ సినిమాలో రాముడిగా బాలీవుడ్‌ కథానాయకుడు రణ్‌బీర్‌ కపూర్‌, సీతగా సాయిపల్లవి కీలక పాత్రలు పోషిస్తున్నట్లు వార్తలు వచ్చాయి. రావణుడిగా యశ్‌ కనిపించనున్నారట. ఇప్పటి వరకు ఈ సినిమాలోని నటీనటుల ఎంపిక విషయంలో ఎలాంటి సమాచారాన్ని ప్రకటించలేదు చిత్రబృందం. తాజాగా ఈ చిత్రంలో తమిళ నటుడు విజయ్‌ సేతుపతి కీలక పాత్ర పోషించనున్నట్లు సమాచారం. ‘రావణుడి సోదరుడైన విభీషణుడి పాత్ర కోసం విజయ్‌ను సంప్రదించింది చిత్రబృందం. నితీశ్‌ చెప్పిన స్క్రిప్ట్‌ విన్న ఆయన ఈ సినిమాపై ఆసక్తితో ఉన్నట్లు తెలుస్తోంది’ అని సన్నిహిత వర్గాలు తెలిపాయి.