Kajal Aggarwal: పెళ్లి తర్వాత ఒక్క హీరోయిన్ కెరీరే మారాలా?
తెలుగు తెరపై అందాలు ఒలికించిన చందమామ కాజల్... ‘సత్యభామ’గా ప్రేక్షకుల ముందుకొస్తోంది.
తెలుగు తెరపై అందాలు ఒలికించిన చందమామ కాజల్... ‘సత్యభామ’గా ప్రేక్షకుల ముందుకొస్తోంది. రెండు దశాబ్దాలుగా నట ప్రయాణం కొనసాగిస్తున్న ఆమె... పెళ్లి తర్వాత కొత్త రకమైన కథలపై దృష్టి పెట్టింది. అందులో భాగంగా చేసిన సినిమానే ‘సత్యభామ’. ఈ నెల 7న ప్రేక్షకుల ముందుకొస్తోంది. ఈ సందర్భంగా కాజల్ బుధవారం హైదరాబాద్లో విలేకర్లతో ముచ్చటించారు. ఆమె చెప్పిన విషయాలివీ...
రాజకీయాల గురించి నాకు అంతగా తెలియదు. కానీ బాలకృష్ణ, పవన్కల్యాణ్ నాకు వ్యక్తిగతంగా తెలుసు. వాళ్లు అద్భుతమైన వ్యక్తులు. వాళ్లలోని నాయకత్వ లక్షణాలు గొప్పగా ఉంటాయి. వాళ్ల నాయకత్వంలో నియోజకవర్గాలు తప్పకుండా అభివృద్ధి చెందుతాయి.
మీ కెరీర్లో ఇప్పుడే నాయికా ప్రధానమైన కథలపై దృష్టి పెడుతున్నట్టు కనిపిస్తోంది. ఇదివరకు ఈ తరహా కథలు మీ దగ్గరకు రాలేదా?
చాలా కథల్నే విన్నాను, ఒకట్రెండు చేశాను కూడా. కానీ ఆశించిన ఫలితం రాలేదు. నాకు అర్థమైందేమిటంటే... ఇలాంటి కథలు తీస్తున్నప్పుడు నమ్మదగిన బృందం ఎంతో అవసరమని! ‘గూఢచారి’, ‘మేజర్’ చిత్రాలతో తనేమిటో నిరూపించుకున్న దర్శకుడు శశికిరణ్ తిక్క ఈ సినిమా వెనుక ఉన్నారు. అంతే కొత్త ఆలోచనలున్న దర్శకుడు సుమన్ చిక్కాల, ఇతర బృందం మాకు తోడైంది. వీళ్లు తయారు చేసిన కథ నన్ను ఎంతగానో ప్రభావితం చేసింది. దాంతో వెనుదిగిరి చూసుకోలేదు. నా కెరీర్లో సరైన సమయంలో నేను చేసిన సరైన సినిమా ఇదని నమ్ముతున్నా.
నాయికా ప్రధానమైన సినిమా చేస్తున్నప్పుడు ప్రచారం, మార్కెట్ వ్యవహారాలు మీపైనే ఆధారపడి ఉంటాయి. ఒత్తిడికి గురయ్యారా?
ఒత్తిడి కంటే కూడా బాధ్యత మరింతగా పెరిగినట్టు అనిపించింది. మిగతా సినిమాలతో పోలిస్తే ఇంకొంచెం ఎక్కువ కష్టపడి పనిచేయాల్సి వచ్చింది. నాకు ఇలాంటి సవాళ్లంటే ఇష్టమే. వీటిని స్వీకరించినప్పుడే కదా నటిగానైనా, వ్యక్తిగతంగానైనా నేను ఎదిగేది? విడుదల దగ్గరపడుతున్న కొద్దీ కొంచెం ఆత్రుతగా అనిపించినా ఈ సినిమా ప్రయాణం నా కెరీర్లో ప్రత్యేకంగా నిలిచిపోతుంది.
ఏ రకంగా ఇది మీకు ప్రత్యేకమైన సినిమా అంటే ఏం చెబుతారు?
నేను ఇప్పటివరకూ ఎన్నో పాత్రలు చేశాను కానీ, ఇలాంటి భావోద్వేగ భరితమైన సినిమాని చేయడం ఇదే తొలిసారి. దానికితోడు యాక్షన్ కూడా చేశా. నటిస్తున్నప్పుడు ఇన్నేళ్ల ప్రయాణంలో ఎప్పుడూ అనుభవంలోకి రాని ఎన్నో విషయాలు తెలిశాయి. ఇందులోని ప్రతి భావోద్వేగం ఎంతో సహజంగా ఉంటుంది.
యాక్షన్ సన్నివేశాల కోసం ప్రత్యేకంగా సన్నద్ధమయ్యారా?
మిక్స్డ్ మార్షల్ ఆర్ట్స్లో ఇదివరకే తర్ఫీదు పొందాను. అది ఈ సినిమాకి బాగా పనిచేసింది. నా శైలికి, నా పాత్రకి తగ్గట్టుగా ఇందులో పోరాట ఘట్టాలు ఉంటాయి. వాటిని చేసేటప్పుడు శారీరకంగా, మానసికంగా ఎన్నో సవాళ్లు ఎదురయ్యాయి. బాబు పుట్టాక ఫిట్నెస్ పరంగా ప్రత్యేకంగా కసరత్తులు చేసి ఈ సినిమా కోసం కెమెరా ముందుకొచ్చా. యాక్షన్ కొరియోగ్రాఫర్ సుబ్బు సహజంగా అనిపించేలా పోరాట ఘట్టాల్ని తీర్చిదిద్దారు.
ఇంతకీ ‘సత్యభామ’తో ఏం చెబుతున్నారు?
యువతరానికి సంబంధించి ఆలోచింపజేసే అంశాలు ఇందులో చాలా ఉంటాయి. మతం కోణం కూడా ఉంటుంది. ఒకరికి వ్యతిరేకంగానో, మరొకరికి అనుకూలంగానో ఆ కోణాన్ని స్పృశించలేదు. నేనొక పోలీస్ అధికారిగా కనిపిస్తా. పోలీసు డ్రెస్ వేసుకుంటే చాలు...ప్రత్యేకమైన భావోద్వేగం కలుగుతుంది.
కొత్తగా చేస్తున్న సినిమాల సంగతులేమిటి?
కొత్తగా రెండు సినిమాలకు సంతకం చేశా. వాటిని త్వరలోనే నిర్మాణ సంస్థలు ప్రకటిస్తాయి. ఇప్పుడు నటన, వ్యక్తిగత జీవితంతోనే బిజీగా ఉన్నాను. నిర్మాణంపై దృష్టిపెట్టే ఆలోచన లేదు.
కథానాయికలకి పెళ్లి తర్వాత ఇదివరకు అవకాశాలు వచ్చేవి కాదు. ఇప్పుడు ఆ పరిస్థితులు మారిపోయాయి అనుకోవచ్చా?
మారిన కాలానికి తగ్గట్టుగా ఇప్పుడు ట్రెండ్ మారింది. పెళ్లి తర్వాత అంతకుముందు కంటే ఎక్కువ సినిమాలు చేస్తున్నారు కథానాయికలు. అయినా పెళ్లి తర్వాత ఒక్క హీరోయిన్ కెరీర్ మాత్రమే ఎందుకు మారాలి? అందరికీ వ్యక్తిగత జీవితం ఉన్నట్టే హీరోయిన్స్కి కూడా ఉంటుంది కదా! 60 సినిమాలు చేసిన నేను, వైవిధ్యమైన ప్రయత్నాలు చేయడానికి తగిన సమయం ఇదే అని నమ్ముతున్నా. వ్యక్తిగత జీవితాన్ని, కెరీర్నీ బ్యాలెన్స్ చేసుకుంటూ ప్రయాణం చేస్తున్నా. నా కుటుంబం కూడా చక్కటి సహకారం అందిస్తోంది.
‘ఆచార్య’ తరహాలోనే ‘భారతీయుడు2’లో మీరు చేసిన సన్నివేశాల్ని తొలగించారని తెలిసింది. నిజమేనా?
నాకూ ఈమధ్యే ఆ విషయం తెలిసింది. ‘భారతీయుడు2’లో నేను లేకపోయినా, ‘భారతీయుడు 3’లో కనిపిస్తా. అలా ఎందుకు జరిగిందో తెలియదు కానీ, కొన్ని విషయాలు మంచికే జరుగుతాయని నమ్ముతా. ‘భారతీయుడు3’ కోసం నేను చిత్రీకరణ కూడా పూర్తి చేశా. అందులో నా పాత్ర అంత సులభంగా గుర్తుపట్టలేని విధంగా ఉంటుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
దీపికా పదుకొణెతో ఇంటిమేట్ సీన్స్.. భయాందోళనకు గురయ్యా: బాలీవుడ్ నటుడు
‘గెహ్రీయాన్’ కోసం నటి దీపికా పదుకొణె (Deepika Padukone)తో ఇంటిమేట్ సీన్స్లో నటించడం తననెంతో ఇబ్బందికి గురి చేసిందని బాలీవుడ్ నటుడు తెలిపారు. -
విజయ్ సేతుపతి హిట్ సినిమాను రీమేక్ చేయనున్న బాలీవుడ్ హీరో!
విజయ్ సేతుపతి హిట్ సినిమాను బాలీవుడ్ హీరో రీమేక్ చేయనున్నట్లు వార్తలు వస్తున్నాయి. -
ఆ దేశంలో ‘హనుమాన్’ రిలీజ్.. ప్రశాంత్ వర్మ పోస్ట్
తేజ సజ్జా (Teja Sajja) హీరోగా ప్రశాంత్ వర్మ (Prasanth Varma) తెరకెక్కించిన చిత్రం ‘హనుమాన్’ (Hanuman). త్వరలో ఇది ఓ దేశంలో విడుదల కానుందని ప్రశాంత్ వర్మ తెలిపారు. -
యశ్ ‘టాక్సిక్’ విడుదలపై నెట్టింట పోస్టులు.. అనుకున్న రోజుకు రావడం కష్టమేనా!
యశ్ ‘టాక్సిక్’ విడుదలపై అభిమానులు పోస్ట్లు పెడుతున్నారు. దీనిపై క్లారిటీ ఇవ్వాలని కోరుతున్నారు. -
‘రాయన్’ సక్సెస్.. ఫొటో వైరల్
తమ చిత్రానికి ప్రేక్షకుల నుంచి వస్తోన్న రెస్పాన్స్పై ‘రాయన్’ టీమ్ ఆనందం వ్యక్తంచేసింది. -
‘కల్కి’లో రాజమౌళి ఎలా భాగమయ్యారు..?: నాగ్అశ్విన్ ఏం చెప్పారంటే
ప్రభాస్ హీరోగా నాగ్అశ్విన్ దర్శకత్వం వహించిన చిత్రం ‘కల్కి 2898ఏడీ’. ఇందులో ప్రముఖ దర్శకుడు రాజమౌళి (Rajamouli) అతిథి పాత్ర పోషించడంపై నాగ్ అశ్విన్ స్పందించారు. -
ఒలింపిక్స్ ఆరంభ వేడుకల్లో మెగా ఫ్యామిలీ.. ఫొటోలు పంచుకున్న ఉపాసన
పారిస్లో జరుగుతోన్న ఒలింపిక్స్ వేడుకల్లో మెగా ఫ్యామిలీ పాల్గొని ఎంజాయ్ చేస్తోంది. -
‘యానిమల్ పార్క్’.. ఆ విషయం నేను చెప్పలేను: త్రిప్తి దిమ్రీ
‘యానిమల్’తో సూపర్ సక్సెస్ సొంతం చేసుకున్నారు నటి త్రిప్తి దిమ్రీ (Triptii Dimri). తాజాగా ఓ ఇంటర్వ్యూలో పాల్గొన్న ఆమె ‘యానిమల్ పార్క్’ గురించి స్పందించారు. -
రివ్యూ: బ్లడీ ఇష్క్: అవికా గోర్ సినిమా థ్రిల్ చేసిందా?
అవికా గోర్, వర్ధన్ పూరి ప్రధాన పాత్రల్లో రూపొందిన చిత్రం ‘బ్లడీ ఇష్క్’. ఓటీటీ ‘డిస్నీ+ హాట్స్టార్’లో శుక్రవారం విడుదలైన ఈ మూవీ ఎలా ఉందంటే? -
‘12th ఫెయిల్’కు జాతీయ అవార్డు.. ప్రచారంపై స్పందించిన నటుడు
ప్రేక్షకుల ఆదరణ జాతీయ అవార్డు కంటే గొప్పదని ‘12th ఫెయిల్’ నటుడు విక్రాంత్ మస్సే పేర్కొన్నారు. -
ఆగస్టులో కురిసేనా...! వినోదాల వాన
బయట వాన జల్లు... థియేటర్లో వినోదాల జల్లు. ప్రేక్షకుడు తడిసి ముద్దయిపోవడమే ఇక! ఆగస్టు నెలలో పదుల సంఖ్యలో సినిమాలొస్తున్నాయి. -
‘ఉప్పు కప్పురంబు’ షూటింగ్ డైరీస్
ఒక సినిమా విడుదల కాకముందే మరో చిత్రం కోసం రంగంలోకి దిగుతున్నారు మన తారలు. మరికొన్ని రోజుల్లో ‘రఘుతాత’తో ప్రేక్షకుల ముందుకు వచ్చేందుకు సిద్ధంగా ఉన్న ‘మహానటి’ కీర్తి సురేశ్ వరుస ప్రాజెక్టులతో జోరు చూపిస్తోంది. -
స్టోరీకి శుభం కార్డు పడిందా?
‘‘ఎంతో ప్రేమతో చేసిన సినిమా ఇది. నాలుగు కాలాలపాటు గుర్తుండిపోతుంది’’ అన్నారు అనురాగ్ పి. ఆయన దర్శకత్వంలో... నరేశ్ వీకే, రాగ్ మయూర్, ప్రియా వడ్లమాని ప్రధాన పాత్రధారులుగా తెరకెక్కిన చిత్రం ‘వీరాంజనేయులు విహారయాత్ర’. -
విజయ్ చిత్రం కోసం శ్రుతి గానం!
ప్రస్తుతం వెండితెరపై దశాబ్దంన్నర సినీ ప్రయాణాన్ని పూర్తి చేసుకున్న నాయికల్లో శ్రుతిహాసన్ ఒకరు. ఇప్పుడామె సినిమాల విషయంలో మునుపటి కంటే జోరు ప్రదర్శిస్తోంది. -
ఇండోనేషియాలో శర్వా బైక్ రేసింగ్!
ఇటీవలే ‘మనమే’ సినిమాతో ప్రేక్షకుల్ని అలరించారు కథానాయకుడు శర్వానంద్. ఇప్పుడాయన తన 36వ చిత్రాన్ని పరుగులు పెట్టిస్తున్నారు. -
జాతర వస్తుందంటేనే భయం వేస్తోంది!
సందీప్ సరోజ్, యశ్వంత్ పెండ్యాల, ఈశ్వర్ రాచిరాజు, త్రినాథ్ వర్మ, ప్రసాద్ బెహరా ప్రధాన పాత్రల్లో యదు వంశీ తెరకెక్కించిన చిత్రం ‘కమిటీ కుర్రోళ్ళు’. -
పావలా శ్యామలకు సాయిధరమ్ తేజ్ ఆర్థిక సాయం.. కన్నీరుపెట్టుకున్న నటి
టాలీవుడ్ సీనియర్ నటి పావలా శ్యామలకు నటుడు సాయిధరమ్ తేజ్ ఆర్థికసాయం చేశారు. -
ఇటలీలో పూజాహెగ్డే.. జిమ్లో రకుల్ప్రీత్.. సంయుక్త స్మైలీ సెల్ఫీ!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
మీది తప్పు అనుకుంటే.. రిక్వెస్ట్ అనే వాడిని కాదు: హరీశ్ శంకర్
‘మిస్టర్ బచ్చన్’ సినిమా పంపిణీ వివరాలపై ఓ సినీ జర్నలిస్ట్ పెట్టిన పోస్ట్పై దర్శకుడు హరీశ్ శంకర్ స్పందించారు. -
ఆ మెయిల్తో వచ్చే సమాచారం మేం పంపలేదు: మంచు విష్ణు నిర్మాణ సంస్థ
24 ఫ్రేమ్స్ ఫ్యాక్టరీ పేరుతో ఫేక్ ఈ-మెయిల్ ఐడీ సృష్టించి అసత్య ప్రచారం చేస్తున్న ఘటనను ఆ చిత్ర నిర్మాణ సంస్థ ఖండించింది.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
రూ.2.2 కోట్ల చోరీ కేసు.. గంటల వ్యవధిలో ఛేదించిన పోలీసులు
-
4 లక్షల స్కూటర్లు రీకాల్ చేసిన సుజుకీ.. ఇందులో మీ మోడల్ ఉందా?
-
దీపికా పదుకొణెతో ఇంటిమేట్ సీన్స్.. భయాందోళనకు గురయ్యా: బాలీవుడ్ నటుడు
-
ఈనాడు.నెట్లో టాప్ 10 వార్తలు @ 1 PM
-
నెట్ఫ్లిక్స్కు నిరసన సెగ.. నెట్టింట్లో బాయ్కాట్ కాల్స్
-
బ్రోకర్లకు కమీషన్లు ఇచ్చి అధిక వడ్డీలకు వేల కోట్ల అప్పు తెస్తున్నారు : బండి సంజయ్