Atishi: దిల్లీ మంత్రి ఆతిశీకి ఈసీ నోటీసులు

దిల్లీ: దిల్లీ మంత్రి ఆతిశీ(Atishi)కి కేంద్ర ఎన్నికల సంఘం నోటీసులు జారీ చేసింది. భాజపాలో చేరాలని తనకు ఆఫర్ వచ్చిందని, చేరకుంటే తనను అరెస్టు చేస్తామని ఆ పార్టీ నాయకులు బెదిరించారని ఆమె ఇటీవల ఆరోపణలు చేసిన విషయం తెలిసిందే. ఈ వ్యాఖ్యలపై శనివారం సాయంత్రం 5 గంటలలోపు వివరణ ఇవ్వాలని ఈసీ ఆదేశించింది.

ఈ నెల 2న ఆతిశీ చేసిన వ్యాఖ్యలపై భాజపా ఈసీకి ఫిర్యాదు చేసింది. ఎలాంటి ఆధారాలు లేకుండా తప్పుదోవ పట్టించే విధంగా ఈ వ్యాఖ్యలు ఉన్నాయని.. చర్యలు తీసుకోవాల్సిందిగా ఈసీని కోరింది. వెంటనే ఆమె బహిరంగ క్షమాపణలు చెప్పాలని భాజపా నేతలు డిమాండ్‌ చేశారు.