Bandi Sanjay: ప్రధాని మోదీ వాస్తవాలు చెబితే ఉలుకెందుకు?: బండి సంజయ్‌

హైదరాబాద్: ఇందూరు జనగర్జన సభలో తెలంగాణ ముఖ్యమంత్రి కేసీఆర్‌పై ప్రధాని మోదీ చేసిన వ్యాఖ్యలపై స్పందిస్తూ.. మంత్రి కేటీఆర్‌ ఘాటు విమర్శలు చేసిన విషయం తెలిసిందే. ప్రధాని మోదీకి కేటీఆర్‌ ఇచ్చిన కౌంటర్‌పై భాజపా జాతీయ ప్రధాన కార్యదర్శి, కరీంనగర్‌ ఎంపీ బండి సంజయ్‌ స్పందించారు. ప్రధాని మోదీ వాస్తవాలు చెబితే ఉలుకెందుకు? మోదీ చెప్పింది తప్పని నిరూపించగలరా? అని ప్రశ్నించారు. భాగ్యలక్ష్మి అమ్మవారి ఆలయం వద్ద ప్రమాణం చేస్తారా అని సవాల్‌ విసిరారు. ‘‘సీఎం పదవి కోసం కేసీఆర్‌నే గోస పెడుతున్నావు. మీది ఫక్తు మోసకారి కుటుంబం. హద్దు మీరితే ప్రజలే మిమ్మల్ని తరిమికొడతారు’’ అని బండి సంజయ్‌ వ్యాఖ్యానించారు.