Bandi Sanjay: కాంగ్రెస్‌ భవిష్యత్తు కేసీఆర్‌పై ఆధారపడి ఉంది: బండి సంజయ్‌

కరీంనగర్‌: కాంగ్రెస్‌, భారాస, ఎంఐఎం ఎప్పుడూ కలిసే ఉంటాయని.. దిల్లీలో కాంగ్రెస్‌, భారాస నేతలు కలిసి మీడియా సమావేశం కూడా పెట్టారని భాజపా జాతీయ ప్రధాన కార్యదర్శి బండి సంజయ్‌ విమర్శించారు. అన్ని పార్టీల టార్గెట్‌ భాజపా కాబట్టే తమపై దాడి చేస్తున్నారన్నారు. కరీంనగర్‌లో నిర్వహించిన సమావేశంలో సంజయ్‌ మాట్లాడారు. 2014 తర్వాత 2018లో భాజపా ఓటింగ్‌ శాతం పెరిగిందని తెలిపారు. ఇలా క్రమంగా రాష్ట్రం మొత్తం తమ ఓటింగ్‌ శాతం పెరుగుతోందని చెప్పారు. కాంగ్రెస్‌ భవిష్యత్తు సీఎం కేసీఆర్‌పై ఆధారపడి ఉందన్నారు. అందువల్లే కాంగ్రెస్‌ నేతలు భయాందోళనకు గురవుతున్నారని విమర్శించారు.