BJP: భాజపా పదో జాబితా విడుదల.. చండీగఢ్‌ నుంచి అనుపమ్‌ ఖేర్‌ సతీమణి ఔట్‌

దిల్లీ: లోక్‌సభ ఎన్నికల నిమిత్తం మరికొన్ని స్థానాలకు భాజపా (BJP) అభ్యర్థులను ప్రకటించింది. ఈ పదో జాబితాలో తొమ్మిది మంది అభ్యర్థుల పేర్లను విడుదల చేసింది. అసన్‌ సోల్ నుంచి ఎస్‌ఎస్‌ అహ్లూవాలియాను ఎంపిక చేసింది. అలాగే చండీగఢ్ సిట్టింగ్ ఎంపీ కిరణ్‌ ఖేర్‌ను తప్పించి.. ఆ స్థానంలో సంజయ్ టాండన్‌ను బరిలో నిలిపింది. కిరణ్ ప్రముఖ బాలీవుడ్‌ నటుడు అనుపమ్‌ ఖేర్ సతీమణి. అలాగే మాజీ ప్రధాని చంద్రశేఖర్‌ కుమారుడు నీరజ్‌కు యూపీలోని బాలియా నుంచి టికెట్ దక్కింది. చండీగఢ్‌, అసన్‌సోల్‌తో సహా ఆ రాష్ట్రంలోని ఏడుస్థానాలకు అభ్యర్థులను ప్రకటించినట్లైంది. 

తొలుత పశ్చిమ్ బెంగాల్‌లోని అసన్‌సోల్ నుంచి పవన్‌సింగ్‌ పేరును ప్రకటించింది. అయితే ఆయన పాటలు మహిళల్ని అసభ్యకరంగా చిత్రీకరించేలా ఉంటున్నాయనే విమర్శలు వెల్లువెత్తాయి. దాంతో ఆయనే పోటీ నుంచి వైదొలిగారు.

• మైన్‌పురి -జైవీర్‌ సింగ్ ఠాకూర్‌
• కౌశాంబి -  వినోద్ సోంకర్‌
• ఫుల్‌పుర్‌ - ప్రవీణ్‌ పటేల్‌
• ప్రయాగ్‌రాజ్‌- నీరజ్‌ త్రిపాఠి
• మచ్లీషహర్‌ - బీపీ సరోజ్‌
• గాజీపుర్‌ - పరాస్‌ నాథ్‌ రాయ్‌