BSP: ఏపీలో అన్ని స్థానాల్లో పోటీ చేస్తాం: బీఎస్పీ

తిరుపతి: ఆంధ్రప్రదేశ్‌లోని అన్ని అసెంబ్లీ, లోక్‌సభ స్థానాల్లో తమ అభ్యర్థులు పోటీ చేస్తారని బహుజన్‌ సమాజ్‌ పార్టీ (BSP) ప్రకటించింది. తిరుపతిలో నిర్వహించిన సమావేశంలో పార్టీ నేతలు ఈ మేరకు నిర్ణయం తీసుకున్నారు. అనంతరం రాష్ట్రంలోని అన్ని నియోజకవర్గాలకు పోటీ చేసే అభ్యర్థుల జాబితాను పార్టీ సమన్వయకర్త, విశ్రాంత డీజీపీ పూర్ణచంద్రరావు ప్రకటించారు. ఈ సందర్భంగా ఆయన మాట్లాడుతూ.. రాయలసీమలో ఆధిపత్య కులాల కుట్ర రాజకీయాలను ఎండగడతామన్నారు. నెల్లూరు సహా రాయలసీమలోని 62 స్థానాల్లో పోటీ చేసే 40 మంది అభ్యర్థులది ఒకే సామాజిక వర్గమని తెలిపారు. తితిదే కార్యనిర్వాహకవర్గం సైతం ఆ సామాజికవర్గం చేతిలోనే ఉందన్నారు.