సంక్షిప్త వార్తలు(2)

డా.అచ్చెన్న హత్య కేసు నిందితులను అరెస్టు చేయాలి: సీపీఎం

ఈనాడు, అమరావతి: డాక్టర్‌ అచ్చెన్న హత్య కేసులో నిందితులను వెంటనే అరెస్టు చేసి, శిక్షించాలని సీపీఎం రాష్ట్ర కార్యదర్శి శ్రీనివాసరావు డిమాండు చేశారు. హంతకులతో సంబంధం ఉన్న ఉన్నతాధికారుల పాత్రపై సిట్టింగ్‌ న్యాయమూర్తితో విచారణ జరిపించాలన్నారు. దళిత ఉద్యోగులపై వేధింపులను అరికట్టేందుకు శాశ్వత ప్రాతిపదికపై కమిషన్‌ను నియమించాలని డిమాండు చేశారు.

1న ఓబీసీలపై రౌండ్‌ టేబుల్‌ సమావేశం: వీహెచ్‌

గాంధీభవన్‌, న్యూస్‌టుడే: కాంగ్రెస్‌ అగ్రనేత రాహుల్‌గాంధీ ఓబీసీలను కించపరిచారని భాజపా కొత్తగా తెరపైకి తెచ్చిన అంశంపై చర్చించేందుకు ఏప్రిల్‌ 1న సోమాజిగూడ ప్రెస్‌క్లబ్‌లో రౌండ్‌ టేబుల్‌ సమావేశం ఏర్పాటు చేసినట్లు కాంగ్రెస్‌ సీనియర్‌ నాయకుడు వి.హనుమంతరావు తెలిపారు. ఈ మేరకు బుధవారం గాంధీభవన్‌లో విలేకరులతో ఆయన మాట్లాడారు.