YSRCP: తిరువూరు వైకాపాలో మరోసారి బయటపడిన విభేదాలు

తిరువూరు: ఎన్టీఆర్‌ జిల్లా తిరువూరు వైకాపాలో వర్గ విభేదాలు మరోసారి బయటపడ్డాయి. పురపాలక సంఘ సమావేశానికి మున్సిపల్ ఛైర్‌పర్సన్‌ మినహా సభ్యులంతా గైర్హాజరయ్యారు. తిరువూరు మున్సిపల్‌ కౌన్సిల్‌లో అధికార పార్టీకి 17 మంది సభ్యులు ఉండగా.. 16 మంది నేటి సమావేశానికి హాజరుకాలేదు. ఛైర్‌పర్సన్‌తోపాటు తెదేపాకు చెందిన ముగ్గురు సభ్యులు మాత్రమే వచ్చారు. కోరం పూర్తి కాకపోవడంతో ఛైర్‌పర్సన్‌ సమావేశాన్ని వాయిదా వేశారు. 

మున్సిపల్ ఛైర్మన్‌ పదవికి గతంలో నిర్ణయించిన ప్రకారం.. రెండేళ్ల ఒప్పందం అమలు చేయాలని ఇటీవల ఛైర్‌పర్సన్‌పై అసమ్మతి వర్గం సభ్యులు తిరుగుబావుటా ఎగురవేశారు. ఈ నేపథ్యంలోనే వారంతా సమావేశానికి గైర్హాజరయ్యారు. అధికార పార్టీ సభ్యుల తీరుపై తెదేపా సభ్యులు తీవ్ర అభ్యంతరం వ్యక్తం చేశారు.