Gummadi Narsaiah: ‘గుమ్మడి’ని గుర్తుపట్టారా..

వీరు ఎవరో గుర్తుపట్టారా...! ఉమ్మడి రాష్ట్రంలో అయిదుసార్లు ఎమ్మెల్యేగా గెలిచిన గుమ్మడి నర్సయ్య. ప్రస్తుతం ఖమ్మం జిల్లా సింగరేణి మండలం టేకులగూడెంలో నివాసం ఉంటూ సాధారణ జీవితం గడుపుతున్నారు. ఆయన సీపీఐ(ఎంఎల్‌)తో 1981 సంవత్సరంలో రాజకీయ ప్రస్థానం మొదలుపెట్టారు. తొలుత గ్రామంలో సర్పంచిగా గెలుపొందారు. 1983లో ఇల్లెందు ఎమ్మెల్యేగా విజయం సాధించారు. తదుపరి 1985, 1989లలోనూ వరుసగా గెలిచారు. మళ్లీ 1999, 2004లో ఎమ్మెల్యేగా విజయం సాధించారు. ఏడు పదుల వయసులోనూ ఇప్పటికీ వ్యవసాయ పనులు చేస్తారు. వర్తమాన అంశాలపై అవగాహన కోసం పత్రికలు, పుస్తకాలు చదువుతారు.

ఈనాడు, ఖమ్మం