ఆంధ్రాపై తెలంగాణ ఫలితాల ప్రభావం

సీపీఐ జాతీయ కార్యదర్శి కె.నారాయణ

విజయవాడ (అలంకార్‌కూడలి), న్యూస్‌టుడే: తెలంగాణలో కాంగ్రెస్‌ గెలవడం.. ఆంధ్రాపై తప్పక ప్రభావం చూపుతుందని సీపీఐ జాతీయ కార్యదర్శి కె.నారాయణ పేర్కొన్నారు. ఆదివారం ఆయన విజయవాడలో విలేకరులతో మాట్లాడారు. ‘‘తెలంగాణలో సీపీఐ-కాంగ్రెస్‌లు కలిసి, యువతకు ప్రాధాన్యం ఇచ్చాయి. భారాసకు అహంభావం ఎక్కువై ఓటమి చవిచూసింది. రాజకీయాల్లో ప్రజలు అహంభావాన్ని సహించరు. కేసీఆర్‌ను గెలిపించేందుకు ఏపీ సీఎం జగన్‌మోహన్‌రెడ్డి తీవ్రంగా శ్రమించారు. చివరికి నాగార్జునసాగర్‌ వద్దకు పోలీసులను పంపి, సెంటిమెంట్‌ను రెచ్చగొట్టేందుకు యత్నించారు. తెలంగాణలో ఓడిపోయింది కేసీఆర్‌ అయినా, శృంగభంగం జరిగింది జగన్‌మోహన్‌రెడ్డికే’’ అని ఎద్దేవా చేశారు.