ఒక్కో జిల్లాకు రూ.10 కోట్లు ఇవ్వాలి: సీపీఐ

ఈనాడు, అమరావతి: మిగ్‌జాం తుపాను ప్రభావిత ప్రాంతాలలో సహాయక చర్యల కోసం ఒక్కో జిల్లాకు కనీసం రూ.10 కోట్లు కేటాయించాలని సీపీఐ రాష్ట్ర కార్యదర్శి రామకృష్ణ డిమాండు చేశారు. ‘రాష్ట్రంలో 8 జిల్లాల్లో తుపాను తీవ్ర ప్రభావం చూపింది. ధాన్యాన్ని తక్షణమే మిల్లులకు తరలించి, ఆదుకోవడంలో ప్రభుత్వం విఫలమైంది. చాలాచోట్ల నూర్పిడి చేసి, కుప్పలుగా పోసిన ధాన్యం వర్షానికి తడిసిపోయింది. కోయని వరి నేలవాలింది.  ఇలాంటి పరిస్థితుల్లో ఒక్కో జిల్లాకు కేటాయించిన రూ.2 కోట్లు ఏమాత్రం సరిపోవు. త్వరితగతిన పంట నష్టాన్ని అంచనా వేయించి, నష్టపోయిన రైతులకు పరిహారం ఇచ్చి, ఆదుకోవాలి. వరద బాధితులకు వసతి, ఆహారం, అవసరమైన మందులు తక్షణమే అందించాలి’’ అని డిమాండు చేశారు.