విలీనం దిశగా.. మూడు విప్లవ పార్టీలు

ఐక్యతా సమావేశ కార్యనిర్వహణ కమిటీ

నల్లకుంట, న్యూస్‌టుడే: మూడు విప్లవ పార్టీలు పీసీసీ సీపీఐ(ఎంఎల్‌), సీపీఐ(ఎంఎల్‌) ప్రజాపంథా, సీపీఐ(ఎంఎల్‌) రెవెల్యూషనరీ ఇనిషియేటివ్‌లు త్వరలో ఉమ్మడి పార్టీగా విలీనమవుతున్నట్లు ప్రజాపంథా రాష్ట్ర కార్యదర్శి, ఐక్యతా సమావేశ కార్యనిర్వహణ కమిటీ కన్వీనర్‌ పోటు రంగారావు, గ్రేటర్‌ హైదరాబాద్‌ కార్యదర్శి హన్మేష్‌లు గురువారం ఒక సంయుక్త ప్రకటనలో తెలిపారు. నవంబరు 28 నుంచి 30 వరకు కోల్‌కతాలో జరిగిన మూడు పార్టీల ఐక్యతా సమావేశంలో ఈ మేరకు నిర్ణయం తీసుకున్నామన్నారు. వచ్చే ఏడాది మార్చి 3, 4 తేదీల్లో ఖమ్మంలో జరగనున్న అఖిల భారత ఐక్యతా మహాసభలో ఉమ్మడి పార్టీకి సంబంధించిన విధివిధానాలు ప్రకటించడంతోపాటు రాజకీయ తీర్మానాలు చేస్తామని వెల్లడించారు.