జాబితాలో అక్రమాల్ని ప్రశ్నించినందుకే తెదేపా నేతలపై కేసులు

రాష్ట్ర ప్రధాన ఎన్నికల అధికారికి ఎంఏ షరీఫ్‌ ఫిర్యాదు

ఈనాడు డిజిటల్‌, అమరావతి: ఓటరు జాబితాలో అక్రమాల్ని ప్రశ్నించినందుకే నగరి నియోజకవర్గంలో తెదేపా నాయకులు ఎలుమలైరెడ్డి, షణ్ముగరెడ్డిపై తప్పుడు కేసులు పెట్టారని శాసనమండలి మాజీ ఛైర్మన్‌ ఎంఏ షరీఫ్‌ ఆరోపించారు. వైకాపా వాళ్లతో కుమ్మక్కైన బీఎల్‌వో తేజస్వి ఫిర్యాదుతో ఈ కేసు నమోదు చేశారని, ఈ విషయాన్ని పరిశీలించి బీఎల్‌వోపై చర్యలు తీసుకోవాలని కోరుతూ రాష్ట్ర ప్రధాన ఎన్నికల అధికారికి.. షరీఫ్‌ గురువారం ఫిర్యాదు చేశారు. ‘‘చౌటూరు గ్రామం నుంచి 8 మంది శాశ్వతంగా వలస వెళ్లినా ఓటరు జాబితాలో వాళ్ల పేర్లు అలానే ఉంచారు. దీనిపై ఆధారాలతో సహా బీఎల్‌వోకి ఫిర్యాదు చేసినా ఆమె స్పందించలేదు. కులాల వారీగా ఓటర్ల వివరాలు సేకరిస్తూ అధికార పార్టీ నాయకులకు అందజేస్తున్నారు’’ అని లేఖలో పేర్కొన్నారు.