వైకాపాకు ప్రతిపక్ష హోదా కూడా రాదు: లోకేశ్‌

తాడేపల్లి, న్యూస్‌టుడే: ఈ సారి వైకాపాకు ప్రతిపక్ష హోదా కూడా రాదని మంగళగిరి నియోజకవర్గ తెదేపా అభ్యర్థి, పార్టీ ప్రధాన కార్యదర్శి నారా లోకేశ్‌ అన్నారు. శనివారం రాత్రి తాడేపల్లి పరిధిలోని బ్రహ్మానందపురంలో పర్యటించారు. ఈ సందర్భంగా మీడియాతో మాట్లాడుతూ.. తాను మంత్రిగా ఉన్నప్పుడు చేసిన అభివృద్ధే తప్పా.. వైకాపా ప్రభుత్వం మంగళగిరికి చేసిందేమీ లేదన్నారు. ఈ సారి ఎన్నికలు ‘వార్‌ వన్‌ సైడే’ అన్నట్లుంటాయని చెప్పారు. ప్రజాభిప్రాయం తెలుసుకున్నాకే తెదేపా అభ్యర్థులను ప్రకటించారని వెల్లడించారు. విద్యార్థులు, ప్రత్యేక ప్రతిభావంతులతో మాట్లాడారు. అనంతరం మంగళగిరి నియోజకవర్గంలోని వివిధ ప్రాంతాలకు చెందిన 180 కుటుంబాలు లోకేశ్‌ సమక్షంలో తెదేపాలో చేరాయి.