హనుమ విహారిని వేధించారు

తెదేపా అధినేత చంద్రబాబు

ఈనాడు, అమరావతి: వైకాపా ప్రతీకార రాజకీయాలకు ఆంధ్రా క్రికెట్‌ అసోసియేషన్‌ లొంగిపోవడం సిగ్గుచేటని తెదేపా అధినేత చంద్రబాబు ధ్వజమెత్తారు. ఆంధ్రప్రదేశ్‌ తరఫున ఎప్పటికీ ఆడబోనని ప్రకటించేలా క్రికెటర్‌ హనుమ విహారిని వేధించారని ఎక్స్‌ వేదికగా మంగళవారం ఆగ్రహం వ్యక్తం చేశారు. ఆయనకు అండగా ఉండి న్యాయం చేస్తామని హామీ ఇచ్చారు. ‘విహారి.. ఆత్మవిశ్వాసంతో ఉండండి. ఆట పట్ల మీకున్న చిత్తశుద్ధిని వైకాపా కుట్ర రాజకీయాలు నీరుగార్చలేవు. అన్యాయమైన చర్యలను ప్రజలు ప్రోత్సహించరు’ అని చంద్రబాబు పేర్కొన్నారు.

జగన్‌రెడ్డి పాలనలో ‘ఆడుదాం ఆంధ్రా’ అంటే.. క్రీడాకారుల జీవితాలతో చెలగాటమాడటమని కొత్తగా తెలిసింది. దిల్లీ మద్యం కుంభకోణంలో నిందితుడిగా ఉన్న శరత్‌చంద్రారెడ్డిని ఆంధ్రా క్రికెట్‌ అసోసియేషన్‌ అధ్యక్షుడిగా నియమించినప్పుడే ఏసీఏ పరువు పోయింది’ అని లోకేశ్‌ వ్యాఖ్యానించారు.