3 నుంచి లోకేశ్‌ ‘శంఖారావం సభలు’

చిత్తూరు, న్యూస్‌టుడే: తెదేపా ప్రధాన కార్యదర్శి నారా లోకేశ్‌ ఈ నెల 3 నుంచి 11వ తేదీ వరకు వివిధ జిల్లాల్లో నిర్వహించనున్న శంఖారావం సభల్లో పాల్గొననున్నారు. తిరుపతి, చిత్తూరు జిల్లాల్లో అయిదు రోజుల పాటు లోకేశ్‌ పర్యటన సాగనుంది. ఈ నెల 3, 4న ఒంగోలు, 5, 6న నెల్లూరు పార్లమెంటు పరిధిల్లోని సభల్లో పాల్గొంటారు. అనంతరం 7న తిరుపతి పార్లమెంటు పరిధిలోని సర్వేపల్లి, గూడూరు, వెంకటగిరి నియోజకవర్గాల్లో, 8న సూళ్లూరుపేట, సత్యవేడు, శ్రీకాళహస్తి నియోజకవర్గాల్లో, 9న చంద్రగిరి, నగరి, 10న గంగాధర నెల్లూరు, చిత్తూరు, 11న పలమనేరు, కుప్పం నియోజకవర్గాల్లో నిర్వహించే సభలకు లోకేశ్‌ హాజరుకానున్నారు.