2న నెల్లూరులో చంద్రబాబు పర్యటన

అదేరోజు తెదేపాలో చేరనున్న వేమిరెడ్డి ప్రభాకర్‌రెడ్డి

ఈనాడు డిజిటల్‌, అమరావతి: తెదేపా అధినేత చంద్రబాబు శనివారం నెల్లూరు నగరంలో పర్యటించనున్నారు. స్థానిక నాయకులు, కార్యకర్తలతో ఆయన సమావేశమవుతారు. ఇటీవలే వైకాపాకు, రాజ్యసభ సభ్యత్వానికి రాజీనామా చేసిన వేమిరెడ్డి ప్రభాకర్‌రెడ్డి చంద్రబాబు సమక్షంలో తెదేపాలో చేరనున్నారు. అదే రోజు మధ్యాహ్నం పల్నాడు జిల్లా గురజాలలో నిర్వహించనున్న ‘రా.. కదలి రా’ సభలో చంద్రబాబు ప్రసంగిస్తారు. ఈ వేదిక మీదే వైకాపాకు రాజీనామా చేసిన లావు శ్రీకృష్ణదేవరాయలు, జంగా కృష్ణమూర్తిలు తెదేపాలో చేరే అవకాశం ఉంది. 4న రాప్తాడు నియోజకవర్గంలో ‘రా.. కదలి రా’ సభలో తెదేపా అధినేత పాల్గొననున్నారు.