మమతకు మృత్యుఘంటిక మోగుతోంది

భాజపా అభ్యర్థి జస్టిస్‌ గంగోపాధ్యాయ్‌ వ్యాఖ్య

కోల్‌కతా: పశ్చిమబెంగాల్‌ ముఖ్యమంత్రి మమతా బెనర్జీకి మృత్యుఘంటిక మోగడం మొదలైందని తమ్‌లుక్‌ లోక్‌సభ నియోజకవర్గ భాజపా అభ్యర్థి, కలకత్తా హైకోర్టు మాజీ న్యాయమూర్తి జస్టిస్‌ అభిజిత్‌ గంగోపాధ్యాయ్‌ చేసినట్లు చెబుతున్న వ్యాఖ్య సరికొత్త దుమారానికి కారణమైంది. ఓ విలేకరితో మాట్లాడుతూ ఆయన ఇలా చెప్పినట్లు వీడియో వెలుగుచూసింది. మమత మరణాన్ని ఆయన కోరుకుంటున్నారా అని తృణమూల్‌ ప్రశ్నించింది. ‘శత్రువు విషయంలోనైనా చావును కోరుకుంటామా? భాజపాను ఓటమి భయం వెంటాడుతోంది. ఇలాంటి వ్యాఖ్యలపై ఆ పార్టీ క్షమాపణ చెప్పాల్సిందే’నని ఆ పార్టీ సీనియర్‌ నేత శశిపాంజా అన్నారు. తృణమూల్‌ రాజకీయంగా మరణించబోతోందని చెప్పడమే ఆయన ఉద్దేశమని భాజపా స్పష్టం చేసింది.