ఎన్‌ఎస్‌యూఐ జాతీయ ప్రధాన కార్యదర్శిగా బుస అనులేఖ

ఈనాడు, దిల్లీ: కాంగ్రెస్‌ అనుబంధ విద్యార్థి విభాగం ఎన్‌ఎస్‌యూఐ జాతీయ ప్రధాన కార్యదర్శిగా ఉమ్మడి కరీంనగర్‌ జిల్లాకు చెందిన బుస అనులేఖ నియమితులయ్యారు. గతంలో కార్యదర్శిగా పనిచేసిన ఆమెకు ఇప్పుడు పదోన్నతి కల్పించారు. ఏఐసీసీ అధ్యక్షుడు మల్లికార్జున ఖర్గే ఆదేశాల మేరకు ఎన్‌ఎస్‌యూఐకి కొత్త జాతీయ పదాధికారులను నియమిస్తూ పార్టీ ప్రధాన కార్యదర్శి కేసీ వేణుగోపాల్‌ గురువారం ఉత్తర్వులు జారీచేశారు. మొత్తం 8 మంది ప్రధాన కార్యదర్శుల్లో తెలుగు రాష్ట్రాల నుంచి అనులేఖకు మాత్రమే స్థానం దక్కింది. 48 మంది కార్యదర్శుల్లో ఆంధ్రప్రదేశ్‌కు చెందిన బిర్రు సంపత్‌కుమార్‌ ఉన్నారు.