‘వాలంటీర్లను వేరే ప్రాంతాలకు బదిలీ చేయండి’

ఈనాడు డిజిటల్‌, అమరావతి: అధికార పార్టీకి అనుకూలంగా వాలంటీర్లు.. స్థానిక ప్రజలను ప్రలోభాలకు గురిచేసే అవకాశమున్నందున వారిని వేరే ప్రాంతాలకు బదిలీ చేయాలని రాష్ట్ర ప్రధాన ఎన్నికల అధికారి(సీఈఓ) ముకేశ్‌కుమార్‌ మీనాని కోరినట్లు జై భారత్‌ నేషనల్‌ పార్టీ, లిబరేషన్‌ కాంగ్రెస్‌ అధ్యక్షులు మాజీ జేడీ లక్ష్మీనారాయణ, ఎస్‌ఆర్‌కేఆర్‌ విజయ్‌కుమార్‌ వెల్లడించారు. ఈ మేరకు సచివాలయంలో సీఈఓకి ఫిర్యాదు చేసిన పలు అంశాలను వారు మీడియాకు వెల్లడించారు. ‘తొలగించబడిన వాలంటీర్లు ప్రస్తుతం బాహాటంగానే వైకాపాకు ప్రచారం చేస్తున్నారు. వారితో సహా మెప్మా సిబ్బందిని సైతం బదిలీ చేయాలని కోరాం’ అని తెలిపారు.