చీకటి పాలనకు చిరునామా.. జగనన్న కాలనీలు!

ఇళ్లు కాదు.. ఊళ్లు నిర్మిస్తాం.. అంటూ జగనన్న కాలనీల విషయంలో సీఎం జగన్‌ మొదటి నుంచీ గొప్పలు చెబుతున్నారు. ఊళ్ల సంగతి పక్కన పెడితే ప్రస్తుతం నిర్మించిన ఇళ్లకూ వీధి దీపాలు ఏర్పాటు చేయలేదు. ఇక్కడ చిమ్మచీకట్లో ఉన్నవి కాకినాడ గ్రామీణ మండలంలోని నేమాం, తిమ్మాపురంలోని జగనన్న కాలనీలు. నేమాం కాలనీలో 9 వేలు, తిమ్మాపురంలో 1,968 మంది లబ్ధిదారులకు ఇళ్ల స్థలాలు కేటాయించారు. చాలామంది ఇళ్లు నిర్మించుకొని, ఉంటున్నారు. నేమాం కాలనీకి వెళ్లే బీచ్‌ రోడ్డు నుంచి కాలనీ వరకూ ప్రధాన మార్గంలో ఒక్క వీధి దీపం లేదు. కాలనీలో రాత్రిళ్లు అంధకారం నెలకొంటోంది. తిమ్మాపురం జగనన్న కాలనీలో ప్రధాన  వీధిలో తప్ప మిగిలిన చోట్లా అదే పరిస్థితి.

ఈనాడు, కాకినాడ