గులకరాయి డ్రామాలో బీసీలను బలిపశువులు చేస్తున్న జగన్‌

తెదేపా రాష్ట్ర అధ్యక్షుడు అచ్చెన్నాయుడి ధ్వజం

ఈనాడు డిజిటల్‌, అమరావతి: గులకరాయి డ్రామాలో బీసీలను బలిపశువులను చేయడానికి సీఎం జగన్‌    సిద్ధమయ్యారని తెదేపా రాష్ట్ర అధ్యక్షుడు అచ్చెన్నాయుడు ధ్వజమెత్తారు. గతంలో కోడికత్తి కేసులోనూ ఇదే తరహాలో ఓ దళితుడిని అయిదేళ్లపాటు జైలు పాలు చేశారని బుధవారం ఓ ప్రకటనలో పేర్కొన్నారు. ‘డబ్బులిస్తామని అమాయకుల్ని సభకు తీసుకెళ్లి ఇవ్వకుండా ఎగ్గొట్టారు. ప్రజల్లో మొదలైన తిరుగుబాటుతో వైకాపా నేతల్లో అసహనం పెరిగిపోతోంది. దాన్ని తెదేపాపై చూపిస్తే సహించేది లేదు. క్లెమోర్‌మైన్‌ పేలినా చంద్రబాబు ఏనాడూ సానుభూతి కోసం ప్రయత్నించలేదు’ అని అచ్చెన్నాయుడు పేర్కొన్నారు.