‘కృష్ణుడి గోపికను నేనే’: హేమామాలిని

మథుర: సీనియర్‌ నటి, భాజపా మథుర నియోజకవర్గ ఎంపీ అభ్యర్థి హేమామాలిని ఆసక్తికర వ్యాఖ్యలు చేశారు. శ్రీకృష్ణుడికి గోపికగా తనను తాను భావించుకుంటానని తెలిపారు. కృష్ణుడికి బ్రిజ్‌వాసీలంటే ఇష్టమని, వారికి సక్రమంగా సేవలందిస్తేనే ఆయన ఆశీర్వదిస్తారని నమ్ముతానని పేర్కొన్నారు. శ్రీకృష్ణుడిని ఆరాధించే వారిని బ్రిజ్‌వాసీలంటారు. తాను వారికి సేవలందిస్తున్నట్లు తెలిపారు. మథురలో నిర్వహించిన విలేకరుల సమావేశంలో ఆమె మాట్లాడారు. బ్రిజ్‌వాసీలకు సేవలందించేందుకు మూడోసారి అవకాశమిచ్చిన భాజపాకు ఈ సందర్భంగా కృతజ్ఞతలు తెలిపారు.