సమయానికి ‘108’ రాకే రాజాంలో బాలుడి మృతి

ఇది ముమ్మాటికీ వైకాపా ప్రభుత్వ నిర్లక్ష్యమే: చంద్రబాబు

ఈనాడు డిజిటల్‌, అమరావతి: విజయనగరం జిల్లా రాజాం నియోజకవర్గంలో వైకాపా ప్రచారరథం ఢీకొని భరద్వాజ్‌ అనే బాలుడు మృతిచెందిన ఘటనపై తెదేపా అధినేత చంద్రబాబు దిగ్భ్రాంతి వ్యక్తం చేశారు. కన్నుమిన్ను కానరాక ప్రచారరథాన్ని నడిపిన నిర్లక్ష్యం బాలుడి మృతికి ఒక కారణమైతే...అత్యవసర పరిస్థితుల్లో 108 అంబులెన్స్‌ అందించలేని వైకాపా పాలనా నిర్లక్ష్యం మరో కారణమని ‘ఎక్స్‌’ వేదికగా శుక్రవారం ఆగ్రహం వ్యక్తం చేశారు. సమయానికి 108 రాకపోవడంతోనే బాలుడిని సకాలంలో ఆసుపత్రికి తీసుకెళ్లలేకపోయారని ఆవేదన వ్యక్తం చేశారు. భరద్వాజ్‌ కుటుంబానికి తన ప్రగాఢ సానుభూతి తెలియజేశారు.