హెచ్‌సీయూలో ఏబీవీపీ దాడులపై విచారణ జరపాలి: తమ్మినేని

ఈనాడు, హైదరాబాద్‌: హైదరాబాద్‌ సెంట్రల్‌ యూనివర్సిటీ (హెచ్‌సీయూ)లో ఏబీవీపీ నాయకత్వంలో వారం రోజులుగా దాడులు చేస్తున్నారని సీపీఎం రాష్ట్ర కార్యదర్శి తమ్మినేని వీరభద్రం ఆందోళన వ్యక్తం చేశారు. ఏడుగురు విద్యార్థినులతో పాటు 20 మంది విద్యార్థులు గాయపడ్డారని తెలిపారు. ఎన్నికల సమయంలో ఓ పథకం ప్రకారం సున్నితమైన అంశాల్ని ముందుకు తెచ్చి రాజకీయ ప్రయోజనాల కోసం దాడులు చేస్తున్నారని ఆగ్రహం వ్యక్తం చేశారు. ఈ ఘటనలపై రాష్ట్ర ప్రభుత్వం, పోలీసులు విచారణ జరిపి దోషుల్ని శిక్షించాలని, బాధితులపై పెట్టిన బైండోవర్‌ కేసులను ఎత్తివేయాలని ఆయన డిమాండ్‌ చేశారు.