పార్టీ నిర్ణయం శిరోధార్యం: దేవినేని ఉమా

గొల్లపూడి, న్యూస్‌టుడే: పార్టీ తీసుకున్న నిర్ణయం శిరోధార్యమని, చంద్రబాబును తిరిగి ముఖ్యమంత్రిగా చేసేందుకు పనిచేస్తానని మాజీ మంత్రి దేవినేని ఉమామహేశ్వరరావు పేర్కొన్నారు. గొల్లపూడిలోని ఉమామహేశ్వరరావు కార్యాలయానికి తెదేపా మైలవరం అభ్యర్థి వసంత కృష్ణప్రసాద్‌ ఆదివారం రాత్రి వచ్చారు. ఈ సందర్భంగా ఉమామహేశ్వరరావు మాట్లాడుతూ తాము అన్నదమ్ముల్లా కలిసి పనిచేస్తామని పేర్కొన్నారు. రాక్షసరాజ్యాన్ని కూల్చేందుకు, చంద్రబాబును ముఖ్యమంత్రిని చేసేందుకు ప్రతి కార్యకర్త పని చేయాలన్నారు. తంగిరాల సౌమ్య, కృష్ణప్రసాద్‌ నామినేషన్‌ కార్యక్రమంలో పాల్గొంటానని చెప్పారు. మైలవరం అభ్యర్థి వసంత కృష్ణప్రసాద్‌ మాట్లాడుతూ తమ మధ్య వ్యక్తిగత వైరం లేదన్నారు. తన నామినేషన్‌ కార్యక్రమానికి ఉమామహేశ్వరరావును ఆహ్వానించేందుకు వచ్చినట్లు తెలిపారు.