ఇసుక అక్రమాలపై ఉన్నతస్థాయి విచారణ జరిపించాలి

సీపీఐ రాష్ట్ర కార్యదర్శి రామకృష్ణ

రాజమహేంద్రవరం (వి.ఎల్‌.పురం), న్యూస్‌టుడే: ఇసుక అక్రమాలపై ఉన్నతస్థాయిలో విచారణ జరిపించాలని సీపీఐ రాష్ట్ర కార్యదర్శి కె.రామకృష్ణ డిమాండు చేశారు. రాజమహేంద్రవరంలోని పార్టీ కార్యాలయంలో శనివారం ఆయన విలేకర్ల సమావేశంలో మాట్లాడారు. కొత్త ఇసుక పాలసీ అమలు చేస్తామని చెప్పిన సీఎం జగన్‌ భవన నిర్మాణ కార్మికులు రోడ్డున పడేలా చేశారని విమర్శించారు. వైకాపా పాలనలో ఆ పార్టీ నేతలు ఇసుక దోపిడీకి పాల్పడ్డారని ఆరోపించారు. గోదావరిలో ఇసుకను ఎంత అక్రమంగా తవ్వుతున్నారో అందరికీ తెలుసునన్నారు. సమావేశంలో సీపీఐ జిల్లా కార్యదర్శి మధు, సహాయ కార్యదర్శి రాంబాబు పాల్గొన్నారు.