మతపరమైన రిజర్వేషన్లను అనుమతించేది లేదు: నడ్డా

వారణాసి: భారతీయ జనతా పార్టీ, ప్రధానమంత్రి నరేంద్ర మోదీ అధికారంలో ఉన్నంతకాలం దేశంలో మతపరమైన రిజర్వేషన్లను అనుమతించబోమని ఆ పార్టీ జాతీయ అధ్యక్షుడు జె.పి.నడ్డా స్పష్టంచేశారు. ఇదే విషయాన్ని రాజ్యాంగంలో స్పష్టంగా పేర్కొన్నారని తెలిపారు. దళిత, గిరిజన, వెనుకబడిన తరగతుల రిజర్వేషన్లను లాక్కోవడాన్ని అనుమతించేది లేదని ఆయన తేల్చిచెప్పారు. వారణాసిలో ప్రధాని మోదీకి మద్దతుగా సోమవారం నిర్వహించిన ఎన్నికల ప్రచారంలో నడ్డా ప్రసంగించారు. అక్కడ ఉన్న కాలభైరవ ఆలయంలో ప్రార్థనలు చేశారు. 400 లోక్‌సభ స్థానాలు గెలిచి మోదీ ప్రభుత్వమే మళ్లీ అధికారంలోకి వస్తుందని నడ్డా ఆశాభావం వ్యక్తం చేశారు.