కేసీఆర్‌ ఓడించాలన్నా.. ప్రజలు ఆశీర్వదించారు: సంజయ్‌

కరీంనగర్‌ పట్టణం, న్యూస్‌టుడే: ‘‘నన్ను ఓడించేందుకు మైనార్టీలంతా ఏకం కావాలని కరీంనగర్‌ లోక్‌సభ ఎన్నికల ప్రచారంలో భారాస అధినేత కేసీఆర్‌ పిలుపునిచ్చినా ప్రజలంతా ఏకమై భారీ మెజారిటీతో నన్ను గెలిపించి.. ఆయన అడ్రస్‌నే గల్లంతు చేశారు’’ అని భాజపా జాతీయ ప్రధాన కార్యదర్శి బండి సంజయ్‌ అన్నారు. మంగళవారం కరీంనగర్‌లో విలేకరులతో మాట్లాడారు. ‘‘కేసీఆర్‌తోపాటు కాంగ్రెస్‌ నేతలు ఎన్ని కుట్రలు చేసినా.. ప్రజలు నన్ను ఆశీర్వదించారు. కరీంనగర్‌ ప్రజలకు రుణపడి ఉంటా. ప్రధాని మోదీ హవాతోనే ఇంత మెజారిటీ వచ్చింది. కాంగ్రెస్‌ పార్టీ ఇచ్చిన హామీలను నెరవేర్చడం కోసం ప్రజల తరఫున పోరాడతా’’ అని ఆయన పేర్కొన్నారు.