ఎన్డీయే బాధ్యత పెరిగింది

భాజపా రాష్ట్ర అధ్యక్షురాలు పురందేశ్వరి

ఈనాడు, అమరావతి: ప్రజా సంక్షేమాన్ని దృష్టిలో ఉంచుకుని ఓటర్లు ఎన్డీయేకు అనూహ్యమైన విజయాన్ని కట్టబెట్టారని భాజపా రాష్ట్ర అధ్యక్షురాలు దగ్గుబాటి పురందేశ్వరి పేర్కొన్నారు. ఎన్నికల్లో గెలుపుపై ఆమె మంగళవారం రాత్రి వీడియో సందేశాన్ని విడుదల చేశారు. ‘ఎన్డీయే అభ్యర్థులను గెలిపించిన ప్రజలకు ధన్యవాదాలు. ఈ గెలుపు రాష్ట్రాభివృద్ధిపై మా బాధ్యతను మరింత పెంచింది. రాబోయే ఐదేళ్లలో రాష్ట్రాన్ని అన్నిరకాలుగా అభివృద్ధి చేసేందుకు కూటమి చర్యలు తీసుకుంటుంది. నన్ను రాజమహేంద్రవరం లోక్‌సభ అభ్యర్థిగా గెలిపించినందుకు ఓటర్లకు నమస్సులు. నగరాన్ని సాంస్కృతిక కేంద్రంగా తీర్చిదిద్దుతా’నని ఆమె పేర్కొన్నారు.