లోకేశ్‌ను కలిసిన నిఖిల్, బండ్ల గణేశ్‌

ప్రజాప్రతినిధులు, నేతలతో సందడిగా ఉండవల్లి నివాసం 

ఈనాడు డిజిటల్, అమరావతి: తెదేపా ప్రధాన కార్యదర్శి నారా లోకేశ్‌ను ఉండవల్లిలోని ఆయన నివాసంలో సినీనటుడు నిఖిల్, నిర్మాత బండ్ల గణేశ్‌ శుక్రవారం మర్యాదపూర్వకంగా కలిశారు. వీరితోపాటు పలువురు తెదేపా, భాజపా ఎమ్మెల్యేలు, ఆ పార్టీ నేతలు లోకేశ్‌కు పుష్పగుచ్ఛం అందజేసి శాలువాతో సత్కరించారు. యువగళం పాదయాత్రతో తెదేపా సహా కూటమి అభ్యర్థులను ఘనవిజయం వైపు నడిపించినందుకు ఆయనకు శుభాకాంక్షలు తెలిపారు. సుమారు 2 వేల మంది కార్యకర్తలు, ప్రజలు లోకేశ్‌ను కలిసేందుకు వచ్చారు. లోకేశ్‌ను కలిసిన వారిలో సోమిరెడ్డి చంద్రమోహన్‌రెడ్డి, వర్ల రామయ్య, దేవినేని ఉమామహేశ్వరరావు, నల్లమిల్లి రామకృష్ణారెడ్డి, ఎంఎస్‌ రాజు, వెలగపూడి రామకృష్ణబాబు, వంగలపూడి అనిత, కొండయ్యయాదవ్, తిప్పేస్వామి, ముక్కు ఉగ్రనరసింహారెడ్డి, చింతకాయల విజయ్, బండారు శ్రావణిశ్రీ, భూమా జగత్‌విఖ్యాత్‌రెడ్డి తదితరులున్నారు.