‘నరేంద్ర విధ్వంసక కూటమి’ నాయకుడు

మోదీపై కాంగ్రెస్‌ విమర్శలు

దిల్లీ: ఎన్డీయే కూటమి నేత నరేంద్ర మోదీపై కాంగ్రెస్‌ అదివారం విమర్శలు గుప్పించింది. ‘నరేంద్ర విధ్వంసక కూటమి’ నేతగా ప్రమాణం చేస్తారంటూ పార్టీ ప్రధాన కార్యదర్శి జైరాం రమేశ్‌ ఆక్షేపించారు. తనను తాను సామ్రాట్‌గా భావిస్తూ.. గతేడాది కొత్త పార్లమెంటు భవనం ప్రారంభం సందర్భంగా సెంగోల్‌ చేతబూని నడవడం తమిళ ఓటర్లను ఆకట్టుకోవడం లక్ష్యంగా సాగిందన్నారు. అయితే ఆ నాటకాలు ఫలించలేదని పేర్కొన్నారు. మోదీ వ్యక్తిగతంగా, రాజకీయంగా, నైతికంగా ఓటమి పాలయ్యారని ఆక్షేపించారు. గత పదేళ్లుగా సాగిన పరిస్థితి తారుమారవడంతో రాజ్యాంగానికి మోదీ తలవంచక తప్పలేదన్నారు.