Janasena: మరో అభ్యర్థిని ప్రకటించిన జనసేన

విశాఖ: జనసేన పార్టీ మరో అభ్యర్థిని ప్రకటించింది. విశాఖపట్నం దక్షిణ శాసనసభ స్థానం జనసేన అభ్యర్థిగా సీహెచ్ వంశీకృష్ణ శ్రీనివాస యాదవ్ పేరును పార్టీ అధ్యక్షుడు పవన్ కల్యాణ్ ఖరారు చేశారు. ఎన్నికల ప్రచారంలో భాగంగా పిఠాపురం నియోజకవర్గంలో పర్యటిస్తున్న ఆయన.. ఆదివారం ఉదయం పార్టీ ముఖ్యులతో వివిధ అంశాలపై చర్చించారు. ప్రచార కార్యక్రమాలు, కూటమిలో భాగంగా పార్టీల మధ్య సమన్వయం తదితర అంశాలపై సమీక్షించారు. ఈ క్రమంలో విశాఖ దక్షిణ స్థానం అభ్యర్థిని ప్రకటించారు. భాజపా, తెదేపాతో పొత్తులో భాగంగా జనసేనకు 21 అసెంబ్లీ, రెండు లోక్‌సభ స్థానాలు కేటాయించిన విషయం తెలిసిందే. ఇప్పటివరకు 19 అసెంబ్లీ స్థానాలకు, రెండు ఎంపీ స్థానాలలకు అభ్యర్థులను ఆ పార్టీ ప్రకటించింది. అవనిగడ్డ, పాలకొండ శాసనసభ స్థానాలకు అభ్యర్థులను ప్రకటించాల్సి ఉంది.

ఇప్పటివరకు ప్రకటించిన అసెంబ్లీ అభ్యర్థులు..

• పిఠాపురం- పవన్‌ కల్యాణ్‌
• నెల్లిమర్ల - లోకం మాధవి
• అనకాపల్లి - కొణతాల రామకృష్ణ
• కాకినాడ రూరల్‌ - పంతం నానాజీ
• రాజానగరం - బత్తుల బలరామకృష్ణ
• తెనాలి - నాదెండ్ల మనోహర్‌
• నిడదవోలు - కందుల దుర్గేష్‌
• పెందుర్తి - పంచకర్ల రమేష్‌ బాబు
• యలమంచిలి - సుందరపు విజయ్‌ కుమార్‌
• పి.గన్నవరం - గిడ్డి సత్యనారాయణ
• రాజోలు - దేవ వరప్రసాద్‌
• తాడేపల్లిగూడెం - బొలిశెట్టి శ్రీనివాస్‌
• భీమవరం - పులపర్తి ఆంజనేయులు
• నరసాపురం - బొమ్మిడి నాయకర్‌
• ఉంగుటూరు - పత్సమట్ల ధర్మరాజు
• పోలవరం - చిర్రి బాలరాజు
• తిరుపతి - అరణి శ్రీనివాసులు
• రైల్వే కోడూరు - డా.యనమల భాస్కరరావు
• విశాఖపట్నం దక్షిణం: వంశీకృష్ణ శ్రీనివాస యాదవ్

లోక్‌సభ అభ్యర్థులు

• మచిలీపట్నం- వల్లభనేని బాలశౌరి
• కాకినాడ- తంగెళ్ల ఉదయ్‌ శ్రీనివాస్‌