KTR: సీఎం, మంత్రులను హరీశ్‌రావు ఒంటిచేత్తో ఎదుర్కొన్నారు: కేటీఆర్‌

హైదరాబాద్‌: కృష్ణా ప్రాజెక్టులు, కేఆర్‌ఎంబీ సంబంధిత అంశాలపై అసెంబ్లీలో జరిగిన చర్చపై భారాస కార్యనిర్వాహక అధ్యక్షుడు కేటీఆర్‌ ‘ఎక్స్‌’ (ట్విటర్‌) వేదికగా స్పందించారు. మాజీ మంత్రి హరీశ్‌రావు తన అద్భుత ప్రసంగంతో శాసనసభలో ఒంటిచేత్తో సీఎం రేవంత్‌ రెడ్డి, మంత్రులందరినీ ఎదుర్కొన్నారని చెప్పారు. కృష్ణా జలాలు, కేఆర్‌ఎంబీకి సంబంధించి కాంగ్రెస్ నేతలు చేస్తున్న తప్పుడు ప్రచారం, అబద్ధాలను తిప్పికొట్టారని పేర్కొన్నారు. రేపటి ‘చలో నల్గొండ’కు హరీశ్‌రావు సరైన టోన్‌ సెట్‌ చేశారన్నారు. కాంగ్రెస్ చేస్తున్న దుష్ప్రచారాన్ని నల్గొండ వేదికగా కేసీఆర్ తనదైన శైలిలో ఎండగడతారని చెప్పారు.