భాజపా, భారాస ఒప్పందంలో భాగంగానే ఈడీ సోదాలు: మంత్రి కోమటిరెడ్డి

నల్గొండ: భారాస ఎమ్మెల్సీ కవిత నివాసంలో ఈడీ చేపట్టిన సోదాలు పలు అనుమానాలకు తావిస్తున్నాయని మంత్రి కోమటిరెడ్డి వెంకట్‌రెడ్డి అన్నారు. ఎన్నికల నోటిఫికేషన్‌ వేళ సోదాలు ఎవరి కోసమని ప్రశ్నించారు. ‘‘శనివారం నోటిఫికేషన్‌ వస్తున్న క్రమంలో ఈ దాడులేంటి? కేంద్ర మంత్రి కిషన్‌ రెడ్డే స్వయంగా.. కవిత అరెస్టు కాబోతోందని గతంలో చెప్పారు. ఇప్పటివరకు ఎందుకు అరెస్టు చేయలేదు? భారాస, భాజపా నేతలు గల్లీలో కొట్టుకుంటారు.. దిల్లీలో దోస్తీ చేస్తారు. పార్లమెంట్ ఎన్నికల్లో లబ్ధిపొందడానికే.. ఇరుపార్టీల రహస్య ఒప్పందంలో భాగంగానే ఇప్పుడు సోదాలు చేస్తున్నారు’’ అని విమర్శించారు.