Nara Lokesh: 216వ రోజుకు చేరుకున్న నారా లోకేశ్‌ యువగళం పాదయాత్ర

కొత్తపల్లి: తెదేపా జాతీయ ప్రధాన కార్యదర్శి నారా లోకేశ్‌ చేపట్టిన యువగళం పాదయాత్ర 216వ రోజుకు చేరింది. కాకినాడ జిల్లా పిఠాపురం నియోజకవర్గంలోని యండపల్లి జంక్షన్‌ నుంచి పాదయాత్ర ప్రారంభమైంది. నియోజకవర్గంలో పెద్దఎత్తున తెదేపా శ్రేణులు, వివిధ వర్గాల ప్రజలు పాల్గొన్నారు.

కొత్తపల్లి నంది విగ్రహం వద్ద నాయీబ్రాహ్మణులు, ఉప్పాడ ప్రధాన సెంటర్‌లో చేనేత కార్మికులు, అమీనాబాదు సెంటర్‌, మూలపేటలో మత్స్యకారులతో సమావేశమయ్యారు. అనంతరం వివిధ వర్గాల ప్రజలు తమ సమస్యలను లోకేశ్‌ ఎదుట ఏకరవు పెట్టి, వినతిపత్రాలు ఇచ్చారు. తెదేపా అధికారంలోకి రాగానే పరిష్కారం చూపేలా నిర్ణయాలు తీసుకుంటామని ఆయన భరోసా ఇచ్చారు.