Kaushik Reddy: హుజూరాబాద్ ఎమ్మెల్యే పాడి కౌశిక్‌రెడ్డిపై పోలీసు కేసు

హుజూరాబాద్: కరీంనగర్‌ జిల్లా హుజూరాబాద్ ఎమ్మెల్యే పాడి కౌశిక్‌రెడ్డి (MLA Kaushik Reddy)పై పోలీసులు కేసు నమోదు చేశారు. ఓట్ల లెక్కింపు వేళ ఎన్నికల నియమావళిని ఆయన ఉల్లంఘించడంతోపాటు పోలీసుల విధులకు ఆటంకం కల్పించారంటూ ఈ కేసు నమోదు చేశారు. కరీంనగర్‌లోని ఎస్‌ఆర్‌ఆర్ కళాశాల వద్ద కౌంటింగ్ రోజు 144 సెక్షన్ అమల్లో ఉంది. భారాస కార్యకర్తలు గుమిగూడి ఉండటంతో పోలీసులు అభ్యంతరం వ్యక్తం చేశారు. దీంతో ఇరువురి మధ్య వాగ్వాదం జరిగి కొద్దిసేపు ఉద్రిక్తత నెలకొంది. ఈ క్రమంలో గుమిగూడిన వారందర్నీ పోలీసులు అక్కడి నుంచి చెదరగొట్టారు. ఈ ఘటనలో పాడి కౌశిక్‌రెడ్డిపై పలు సెక్షన్ల కింద పోలీసులు తాజాగా కేసు నమోదు చేశారు.