MP Raghurama: ఏపీ సీఎం జగన్‌పై ఈసీకి రఘురామ ఫిర్యాదు

దిల్లీ: ఏపీ సీఎం వైఎస్‌ జగన్‌పై ఏంపీ రఘురామ కేంద్ర ఎన్నికల సంఘానికి ఫిర్యాదు చేశారు. విజయవాడ, విశాఖపట్నంలో రెండు హెలికాప్టర్లను పెట్టాలని ఏపీ ప్రభుత్వం గెజిట్ నోటిఫికేషన్ విడుదల చేసిన విషయాన్ని ఈసీ దృష్టికి తీసుకెళ్లారు. ప్రభుత్వ ఖర్చుతో ఏర్పాటు చేయనున్న ఆ హెలికాప్టర్లను ఎన్నికల వేళ సీఎం జగన్‌ వినియోగించనున్నారనే వార్తల నేపథ్యంలో రఘురామ ఈసీకి ఫిర్యాదు చేశారు. అదే జరిగితే అది ఎన్నికల నియమావళిని ఉల్లంఘించినట్లే అవుతుందని ఈసీ దృష్టికి తీసుకెళ్లారు. వ్యక్తిగత భద్రత పేరుతో ఎన్నికల ప్రచారం చేసుకోవడానికే ఈ విధమైన ఏర్పాట్లు చేసుకున్నారని ఫిర్యాదులో పేర్కొన్నారు. ఈ విషయంలో జోక్యం చేసుకోవాలని రఘురామ ఈసీని కోరారు.