Konda vishweshwar reddy: దేశంతోపాటు తెలంగాణలోనూ మోదీ గాలి వీచింది: కొండా విశ్వేశ్వర్‌రెడ్డి

హైదరాబాద్‌: లోక్‌సభ ఎన్నికల్లో దేశంతోపాటు తెలంగాణలోనూ మోదీ గాలి వీచిందని చేవెళ్ల ఎంపీగా గెలిచిన కొండా విశ్వేశ్వర్‌రెడ్డి అన్నారు. భాజపా రాష్ట్ర కార్యాలయంలో ఆయన మీడియాతో మాట్లాడుతూ ‘‘పోలీసులు బాగా పనిచేయడం వల్లే లోక్‌సభ ఎన్నికలు నిజాయతీగా జరిగాయి. మద్యం, డబ్బుల ప్రభావం ఈ ఎన్నికల్లో పని చేయలేదు. మెదక్‌లో రూ. కోట్లు ఖర్చు చేసినా భారాస గెలవలేదు. ఇదే ఊపుతో సర్పంచ్‌, స్థానిక సంస్థలు, జీహెచ్‌ఎంసీ ఎన్నికల్లో పని చేస్తాం. రాబోయే రోజుల్లో భాజపా అధికారంలోకి రావడం ఖాయం. అయితే ప్రస్తుత కాంగ్రెస్‌ ప్రభుత్వానికి సహకరిస్తూనే ముందుకు సాగుతాం. పార్టీలు వేరైనప్పటికీ రాష్ట్రాభివృద్ధికి పాటుపడతాం. భారాస రాష్ట్రాన్ని అప్పుల ఊబిలోకి నెట్టి వెళ్లిపోయింది’’ అని కొండా విశ్వేశ్వర్‌రెడ్డి విమర్శించారు.