Chandrababu-Amit Shah: చంద్రబాబుతో కేంద్ర మంత్రులు అమిత్ షా, జేపీ నడ్డా భేటీ

అమరావతి: తెదేపా అధినేత చంద్రబాబుతో  కేంద్ర మంత్రులు అమిత్‌ షా, జేపీ నడ్డా సమావేశమయ్యారు. తన నివాసానికి వచ్చిన కేంద్ర మంత్రులకు చంద్రబాబు స్వాగతం పలికారు. మంత్రివర్గ కూర్పు, భాజపా నుంచి ఎవరికి పదవులు అనే దానిపై నేతలు చర్చిస్తున్నట్టు సమాచారం. భాజపా విషయంలో స్పష్టత వచ్చాక మంత్రివర్గంపై స్పష్టత వచ్చే అవకాశముంది. అర్ధరాత్రి దాటిన తర్వాత మంత్రుల జాబితాను చంద్రబాబు.. గవర్నర్‌కు పంపనున్నట్టు సమాచారం. మంత్రులగా అవకాశం దక్కిన నేతలకు చంద్రబాబు స్వయంగా ఫోన్‌ చేసి చెప్పనున్నారు. ఇప్పటికే పలువురు ఆశావహులు విజయవాడ, గుంటూరులో మకాం వేశారు. చంద్రబాబు నుంచి వచ్చే ఫోన్‌ కోసం మంత్రి పదవి ఆశావహులు నిరీక్షిస్తున్నారు. అంతకు ముందు దిల్లీ నుంచి ప్రత్యేక విమానంలో గన్నవరం విమానాశ్రయానికి చేరుకున్న కేంద్ర మంత్రులకు తెదేపా జాతీయ ప్రధాన కార్యదర్శి నారా లోకేశ్‌ స్వాగతం పలికారు.