TDP: భీమిలి నియోజకవర్గంలో తెదేపాలోకి క్యూ కడుతున్న వైకాపా నేతలు

భీమిలి: విశాఖ జిల్లా భీమిలి నియోజకవర్గంలో వైకాపా నాయకులు తెదేపాలోకి క్యూ కడుతున్నారు. ఆదివారం కుసులువాడ గ్రామ పంచాయతీ మొత్తం తెదేపాలోకి చేరగా.. తాజాగా కొవ్వాడ సర్పంచ్, ఉప సర్పంచ్‌ తమ అనుచరులతో కలిసి భీమిలి అసెంబ్లీ తెదేపా అభ్యర్తి గంటా శ్రీనివాసరావు సమక్షంలో పసుపు కండువాలు కప్పుకొన్నారు. ఈ సందర్భంగా గంటా మాట్లాడుతూ.. సీఎం జగన్‌ అరాచక పాలనలో విసిగి పోయిన రాష్ట్ర ప్రజానీకం చంద్రబాబు సుపరిపాలన కోసం ఎదురు చూస్తోందని అన్నారు. ఇచ్చిన హామీలు అమలు చేయకుండా జగన్‌ ప్రజలను మోసం చేశారని విమర్శించారు. పథకాల్లో కోతలు పెడుతూ పేద ప్రజల ప్రయోజనాలను తాకట్టు పెట్టారన్నారు. 

దుక్కవానిపాలెం నుంచి..

ఆనందపురం మండలం గంభీరం పంచాయతీ దుక్కవానిపాలెం గ్రామానికి చెందిన సీనియర్ వైకాపా నాయకుడు ఇల్లిపిల్లి ముసలయ్యను కండువా కప్పి గంటా శ్రీనివాసరావు తెదేపాలోకి ఆహ్వానించారు. ఈ కార్యక్రమంలో తెదేపా ఇన్‌ఛార్జి కోరాడ రాజబాబు, సర్పంచ్ లక్ష్మి, ఈశ్వరరావు, ఉప సర్పంచ్ శ్రీను పాల్గొన్నారు. మరోవైపు పద్మనాభం మండంలోని పలువురు వైకాపా నేతలు తెదేపా తీర్థం పుచ్చుకున్నారు.