
T20 League: అన్క్యాప్డ్ ఆటగాళ్లు.. ఈసారి అంచనాలకు మించి అద్భుతాలు..!
నాణేనికి బొమ్మాబొరుసూ రెండు వైపులుంటాయ్. భారత్లో ఏటా జరిగే మెగా టీ20 టోర్నీకీ అంతే! ప్రపంచ సంపన్న లీగ్గా ఈ టోర్నీపై ఎన్ని విమర్శలున్నా.. కొత్త టాలెంట్ను వెలికితీయడంలో దీన్ని మించిన ఈవెంట్ మరొకటి లేదు. అందువల్లే జాతీయ జట్టులోకి ప్రవేశించడానికి ఈ టోర్నీనే ట్రాక్గా ఎంచుకుంటున్నారు మేటి కుర్రాళ్లు. ప్రపంచ ఆటగాళ్లకు సైతం సిగపాట్లు పట్టిస్తూ అందరి దృష్టిని ఆకర్షిస్తున్నారు. ఈ మేరకు 2022 సీజన్లో పలువురు అన్క్యాప్డ్ ఆటగాళ్లు అద్భుతాలు సృష్టిస్తున్నారు.
హైదరాబాద్ కుర్రాడు.. తిలక్
ముంబయి జట్టులో ఈసారి 19 ఏళ్ల హైదరాబాద్ కుర్రాడు తిలక్ వర్మ ఆటే హైలైట్. జట్టు ఓటములు పక్కనపెడితే ఇప్పటివరకు ఆడిన 11 మ్యాచుల్లో రెండు అర్ధశతకాలు సహా తిలక్ 334 పరుగులు చేశాడు. జట్టులో సీనియర్ బ్యాటర్లు సైతం చేతులెత్తేస్తున్న వేళ.. అతనొక్కడే అదిరే బ్యాటింగ్తో మెరుగైన స్కోరు సాధిస్తున్నాడు. ఇకపైనా ఇలాగే ఆడితే భవిష్యత్తు టీమ్ఇండియాకు తిలక్ వర్మ ప్రాతినిధ్యం వహిస్తాడనడంలో ఎటువంటి సందేహం లేదు. ఈ సీజన్లో తిలక్ అత్యధిక స్కోర్ 61, స్ట్రైక్రేట్ 136.66.
అభిషేక్.. అంచనాలకు మించి
హైదరాబాద్ యువ ఓపెనర్ అభిషేక్ శర్మ ఈసారి అంచనాలకు మించి రాణిస్తున్నాడు. పంజాబ్కు చెందిన ఈ 21 ఏళ్ల ఎడమచేతి వాటం ఆల్రౌండర్ తన 11 ఇన్నింగ్స్ల్లో మొత్తం 331 పరుగులు సాధించాడు. ఇందులో రెండు హాఫ్ సెంచరీలు ఉన్నాయి. ముఖ్యంగా డిఫెండింగ్ ఛాంపియన్ చెన్నైపై గెలుపులో అభిషేక్ శర్మ (75) అమోఘమైన ఇన్నింగ్స్ ఆడి ఔరా అనిపించాడు. అత్యధిక స్కోర్ 75, స్ట్రైక్ రేట్ 132.40.
అరంగ్రేటంలోనే అద్భుతం
గుజరాత్ యువ బ్యాటర్ సాయి సుదర్శన్ అరంగేట్ర మ్యాచ్లోనే అద్భుతంగా ఆడాడు. ఎటువంటి భయం కనిపించకుండా చక్కటి షాట్లు ఆడుతూ ఏకంగా 35 పరుగులు రాబట్టాడు. ఆపై పంజాబ్తో జరిగిన మరో మ్యాచ్లో 65 పరుగులు సాధించి నాటౌట్గా నిలిచాడు. తమిళనాడుకు చెందిన 20 ఏళ్ల సుదర్శన్ ఇప్పటివరకు ఆడిన 5 ఇన్నింగ్స్ల్లో మొత్తం 145 పరుగులు చేశాడు. ఇందులో ఓ హాఫ్ సెంచరీ ఉంది. అత్యధిక స్కోర్ 65 నాటౌట్. స్ట్రైక్రేట్ 127.19.
ఫినిషర్ బదోని
గుజరాత్తో జరిగిన అరంగేట్ర మ్యాచ్లోనే అర్థశతకం సాధించాడు లఖ్నవూ ఆటగాడు ఆయుష్ బదోని (54). ఆపై చెన్నై, దిల్లీతో మ్యాచ్ల్లో ఫినిషర్గా బౌండరీలు బాది జట్టును గెలిపించాడు. ఇప్పటివరకు ఆడిన 10 ఇన్నింగ్స్ల్లో హాఫ్ సెంచరీ సహా బదోని 161 పరుగులు చేశాడు. మూడుసార్లు నాటౌట్గా నిలిచాడు. అత్యధిక స్కోర్ 54, స్ట్రైక్రేట్ 129.66.
అలాగే మరో కొత్త జట్టు గుజరాత్లో అభినవ్ (7 మ్యాచ్ల్లో 108) అవకాశం వచ్చినప్పుడల్లా తన మెరుపు బ్యాటింగ్తో అదరగొడుతున్నాడు. మరోవైపు బెంగళూరు బ్యాటర్లలో రజత్ పటిదార్ (4 ఇన్నింగ్స్ల్లో 137), అనుజ్ రావత్ (8 ఇన్నింగ్స్ల్లో 129) నిలకడగా రాణిస్తున్నారు.
బుల్లెట్ బంతుల ఉమ్రాన్
ఈ సీజన్లో ప్రధాన చర్చంతా హైదరాబాద్ బౌలర్ ఉమ్రాన్ మాలిక్ గురించే. బులెట్ బంతులతో ఈసారి అందరినీ ఆకట్టుకుంటున్నాడు ఉమ్రాన్. గుజరాత్తో మ్యాచ్లో 25 పరుగులే ఇచ్చి ఏకంగా ఐదు వికెట్లు తీసి సంచలనం సృష్టించాడు. ఇందులో నాలుగు బౌల్డ్లు కాగా.. ఒకటి క్యాచ్ ఔట్. అంతేకాకుండా 150 కి.మీ వేగంతో స్థిరంగా బంతులను సంధిస్తున్నాడు. ఇప్పటివరకు 11 మ్యాచుల్లో ఉమ్రాన్ 15 వికెట్లు పడగొట్టాడు.
ముకేశ్ చౌదరీ
రాజస్థాన్కు చెందిన 25 ఏళ్ల లెఫ్ట్ ఆర్మ్ పేసర్ ముకేశ్ చౌదరీ ఈ సీజన్లో గొప్పగా రాణిస్తున్నాడు. ఇప్పటిదాకా 10 మ్యాచ్లు ఆడి ముకేశ్ 13 వికెట్లు పడగొట్టాడు. ముంబయి ఇండియన్స్తో మ్యాచ్లో 9 పరుగులకే మూడు వికెట్లు తీసి ‘మ్యాన్ ఆఫ్ ద మ్యాచ్’గా ఎంపికయ్యాడు.
యూపీకి చెందిన యువ పేసర్ మోసిన్ ఖాన్.. ఈసారి లఖ్నవూ తరఫున ఆడుతున్నాడు. దిల్లీతో జరిగిన మ్యాచ్లో మోసిన్ కేవలం 16 పరుగులే ఇచ్చి ఏకంగా నాలుగు వికెట్లు పడగొట్టాడు. ఇప్పటి వరకు ఆడిన 6 మ్యాచ్ల్లో 10 వికెట్లు పడగొట్టాడు.
- ఇంటర్నెట్ డెస్క్
ఇవీ చదవండి
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని


తాజా వార్తలు (Latest News)
-
Ts-top-news News
Hyderabad News: భాజపాకు రూ.20 లక్షలు.. తెరాసకు రూ.3 లక్షలు
-
General News
Horoscope Today: ఈ రోజు రాశి ఫలం ఎలా ఉందంటే? (03-07-2022)
-
India News
Chemist killing: నుపుర్ శర్మ వివాదంలో మరో హత్య ..! దర్యాప్తు ఎన్ఐఏ చేతికి..
-
India News
IRCTC: కప్ టీ ₹70.. రైల్వే ప్రయాణికుడి షాక్.. ట్వీట్ వైరల్!
-
Politics News
Pawan Kalyan: కుల, మతాల ప్రస్తావన లేని రాజకీయాలు రావాలి: పవన్
-
General News
Diabetes food chart: ఇవి తినండి...షుగర్ తగ్గించుకోండి
ఎక్కువ మంది చదివినవి (Most Read)
- Weekly Horoscope : రాశిఫలం ( జులై 03 - 09 )
- IND vs ENG : ఇటు బుమ్రా.. అటు వరుణుడు
- RaviShastri: బుమ్రా బ్యాటింగ్కు రవిశాస్త్రి ఫిదా.. బీసీసీఐ ప్రత్యేక వీడియో..!
- Diabetes food chart: ఇవి తినండి...షుగర్ తగ్గించుకోండి
- IND vs ENG: ముగిసిన రెండో రోజు ఆట.. టీమ్ఇండియాదే పైచేయి
- CM KCR: తెలంగాణపై కన్నేస్తే.. దిల్లీలో గద్దె దించుతాం!
- Vikram: విక్రమ్ న్యూ ఏజ్ కల్ట్ క్లాసిక్.. అందుకు నా అర్హత సరిపోదు: మహేశ్బాబు
- Assigned: ఎసైన్డ్ వ్యవసాయ భూములపై యాజమాన్య హక్కులు?
- Samantha: విజయ్ దేవరకొండ రూల్స్ బ్రేక్ చేయగలడు: సమంత
- ఇంతందం.. ఏమిటీ రహస్యం?