ODI WC 2023: ఇదే అత్యుత్తమమని నేను చెప్పలేను.. కానీ: టీమ్ఇండియా బౌలింగ్పై గంగూలీ
టీమ్ఇండియా వరుస విజయాల్లో కీలక పాత్ర పోషిస్తున్న మన బౌలింగ్ అటాక్పై మాజీ కెప్టెన్ గంగూలీ స్పందించాడు. అలాగే అఫ్గాన్ ఓటమికి వారే కారణమని వ్యాఖ్యానించాడు.
ఇంటర్నెట్ డెస్క్ : ఈ ప్రపంచకప్(ODI World Cup 2023)లో టీమ్ఇండియా(Team India) వరుస విజయాలతో తన జైత్రయాత్రను కొనసాగిస్తోంది. ఇప్పటి వరకూ ఆడిన ఎనిమిదింట్లో ఎనిమిది నెగ్గి అందరికంటే ముందే సెమీస్ చేరింది. అటు బ్యాటింగ్, ఇటు బౌలింగ్ విభాగాల్లో పటిష్ఠంగా ఉన్న టీమ్ఇండియా.. ప్రపంచకప్ ట్రోఫీని ముద్దాడేందుకు మరో రెండడుగుల దూరంలోనే ఉంది. ఇక భారత్ విజయాల్లో కీలక పాత్ర పోషిస్తున్న పేస్ త్రయం బుమ్రా, షమీ, సిరాజ్లపై ప్రసంశలు కురుస్తున్నాయి. ఈ నేపథ్యంలో మాజీ కెప్టెన్ గంగూలీ(Sourav Ganguly).. మన బౌలింగ్ అటాక్పై స్పందించాడు.
పరిమిత ఓవర్ల క్రికెట్లో టీమ్ఇండియాకు ఇప్పటి వరకూ అత్యుత్తమ బౌలింగ్ అటాక్ ఇదేనని జరుగుతున్న చర్చపై గంగూలీ స్పందించాడు. అలాంటి అభిప్రాయం సరికాదన్నాడు. 2003 ప్రపంచకప్లోని బౌలింగ్ అటాక్ గురించి ప్రస్తావించాడు.
‘ఇప్పటి వరకూ ఇదే అత్యుత్తమ పేస్ అటాక్ అని నేను చెప్పలేను. 2003 ప్రపంచకప్లో నెహ్రా, జహీర్ ఖాన్, జవగళ్ శ్రీనాథ్ కూడా ఎంతో అద్భుతంగా బౌలింగ్ చేశారు. ఇక బుమ్రా, షమీ, సిరాజ్ బౌలింగ్ చూడటం మరింత ఆసక్తిగా ఉంది. బుమ్రా ఉన్నప్పుడు ఆ తేడా స్పష్టంగా కనిపిస్తుంది. అతడు మిగతా ఇద్దరిపై కూడా పెద్ద ప్రభావాన్ని చూపిస్తాడు’ అని గంగూలీ ఓ క్రీడా ఛానల్తో మాట్లాడుతూ వివరించాడు. ఇక షమీని మొదటి నాలుగు మ్యాచ్లకు పక్కనపెట్టడంపై దాదా స్పందిస్తూ..‘తొలి మ్యాచ్ నుంచి షమీని ఆడించాల్సింది. అతడు తర్వాతి మ్యాచ్ల్లో ఎలా చెలరేగిపోయాడో చూశాం’ అని అన్నాడు. ఇక రోహిత్ సేన తన చివరి లీగ్ మ్యాచ్ను ఈ నెల 12న బెంగళూరు వేదికగా నెదర్లాండ్స్తో తలపడనుంది. ఈ మ్యాచ్లోనూ విజయం సాధించి.. రెట్టించిన ఆత్మవిశ్వాసంతో సెమీస్లోకి అడుగుపెట్టాలని టీమ్ఇండియా చూస్తోంది.
అజయ్ జడేజా ఏడ్చి ఉంటాడు
‘‘అఫ్గానిస్థాన్ బ్యాటింగ్ కోచ్ అజయ్ జడేజా ఆస్ట్రేలియాతో చివరి మ్యాచ్ అనంతరం బాధపడి ఉంటాడు. ఒంటిచేత్తో ఆసీస్ను మ్యాక్సీ గెలిపించాడు. గాయంతోనే బాధపడుతూ ఆడేశాడు. అఫ్గాన్ బౌలర్లు కూడా మ్యాక్సీకి అనుకూలంగా బౌలింగ్ చేసినట్లు ఉన్నారు. వారు వికెట్కు కాస్త దూరంగా బంతులను విసిరి ఉండాల్సింది. అప్పటికే కాలును కదిపేందుకు కూడా మ్యాక్స్వెల్ బాధపడుతూ ఉన్నాడు. ఆసీస్ 91/7 స్కోరుతో ఉన్నప్పుడు దానిని సద్వినియోగం చేసుకోవడంలో అఫ్గాన్ విఫలం కావడం అజయ్ జడేజాకు ఏడుపు తెప్పించే ఉంటుంది. వికెట్ల ముందు నుంచుని భారీ షాట్లు కొట్టిన మ్యాక్సీని అడ్డుకోలేకపోయారు. తప్పకుండా వన్డేల్లో ఇదొక అద్భుత ఇన్నింగ్స్గా నిలిచిపోతుంది’’ అని గంగూలీ వ్యాఖ్యానించాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు
-
‘గరీబ్రథ్’లో కొత్త ప్రయాణ అనుభూతి..!
-
కమలా.. మా మద్దతు మీకే
-
‘రెడ్బుక్ తెరవక ముందే జగన్ గగ్గోలు’
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి