Lucknow Vs Chennai: ‘స్పీడ్’ స్టార్లు vs సిక్సర్ల వీరులు... రెండు జట్లలో ‘హ్యాట్రిక్’ ఎవరికి?
ఐపీఎల్ 17వ సీజన్లో ఇవాళ మరో ఆసక్తికర పోరుకు రంగం సిద్ధమవుతోంది. తన సొంత మైదానంలో లఖ్నవూ జట్టు చెన్నైను ఢీకొట్టనుంది.
ముంబయితో ఐదు రోజుల కిందట ఎంఎస్ ధోనీ బ్యాటింగ్ మెరుపులు చూశాం. మరోసారి ఆ అవకాశం వస్తే బాగుండనేది సగటు అభిమాని ఆకాంక్ష. అందుకు తగ్గట్టుగానే ఇవాళ ఏకనా స్టేడియం వేదికగా చెన్నై - లఖ్నవూ జట్ల మధ్య మ్యాచ్ జరగనుంది. రాత్రి 7.30 గంటలకు మ్యాచ్ ప్రారంభం కానుంది.
బ్యాటింగ్లో వీరు కీలకం..
పేపర్ మీద చెన్నై బ్యాటింగ్ లైనప్తో పోలిస్తే లఖ్నవూదే కాస్త బలంగా కనిపిస్తోంది. మ్యాచ్లో మాత్రం తమ జట్టు బ్యాటర్లు తేలిపోవడంతో లఖ్నవూ అభిమానులు తీవ్ర నిరాశకు గురవుతున్నారు. డికాక్, కేఎల్ రాహుల్, నికోలస్ పూరన్, స్టాయినిస్, ఆయుష్ బదోని వంటి టాప్ బ్యాటర్లు ఆ జట్టు సొంతం. కానీ, వీరిలో నిలకడ లేకపోవడం ఇబ్బందిగా మారింది. గత రెండు మ్యాచుల్లో ఆ జట్టు కనీసం 180 పరుగులు కూడా చేయలేకపోవడం గమనార్హం. కేవలం ఒక్కరిద్దరు మాత్రమే రాణిస్తున్నారు. మొదట్లో దూకుడుగా ఆడిన పూరన్ తేలిపోతున్నాడు.
మరోవైపు చెన్నై మాత్రం సమష్ఠిగా ఆడుతూ ప్రత్యర్థి ఎదుట భారీ స్కోరును లక్ష్యంగా ఉంచుతోంది. కెప్టెన్ రుతురాజ్ శుభారంభం అందిస్తే.. మిడిల్లో శివమ్ దూబె ఇన్నింగ్స్ను నడిపిస్తున్నాడు. ఇక చివర్లో ధోనీ భారీ సిక్స్లతో విరుచుకుపడుతూ స్కోరు బోర్డును ఉరుకులు పెట్టిస్తున్నాడు. ముంబయిపై కేవలం 4 బంతుల్లోనే 20 పరుగులు సాధించాడు. అందులో హ్యాట్రిక్ సిక్స్లూ ఉన్నాయి. అజింక్య రహానె, డారిల్ మిచెల్, రచిన్ రవీంద్ర కూడా కాస్త కుదురుకుంటే చెన్నైను ఆపడం ఎవరితరమూ కాదు.
పతిరనతో కష్టమే.. మయాంక్ వస్తాడా?
చెన్నై పేసర్ పతిరన గాయం నుంచి కోలుకుని వచ్చాక.. మరింత చెలరేగిపోతున్నాడు. దూకుడుగా ఆడే ముంబయిని కట్టడి చేయడమంటే సాహసమే అని చెప్పాలి. పతిరన మాత్రం కీలక సమయంలో వికెట్లు తీసి ఆ జట్టును దెబ్బ కొట్టాడు. ‘ఇంపాక్ట్’ ప్లేయర్గా వచ్చి చెన్నైని గెలిపించాడు. ముస్తాఫిజుర్ ఉండటం చెన్నైకి అదనపు బలం. వైవిధ్యమైన బంతులతో ప్రత్యర్థి బ్యాటర్లను కట్టిపడేస్తాడు. తుషార్ దేశ్ పాండే, శార్దూల్ పరుగులు ఇవ్వడాన్ని నియంత్రించాలి. స్పిన్ భారం రవీంద్ర జడేజాదే. బెస్ట్ ఎకానమీతో (7.45) బంతులేస్తున్న జడ్డూ ఎక్కువ పరుగులు ఇవ్వకుండా బౌలింగ్ చేయడం అతడి స్పెషాలిటీ.
ఐపీఎల్ 17వ సీజన్లో అత్యంత వేగవంతమైన బౌలర్గా మారిన లఖ్నవూ పేసర్ మయాంక్ యాదవ్కు గాయాల బెడద ఎక్కువైంది. గత మూడు మ్యాచ్లకు దూరమైన సంగతి తెలిసిందే. ఇవాళ చెన్నైతోనైనా ఆడతాడా? అనేది క్లారిటీ లేదు. ఆ జట్టు బౌలింగ్ కోచ్ కూడా స్పష్టంగా చెప్పలేకపోతున్నాడు. నెట్స్లో ప్రాక్టీస్ చేస్తున్ననప్పటికీ.. పూర్తిస్థాయి ఫిట్నెస్ సాధిస్తేనే ఆడిస్తామని చెప్పడంతో అభిమానుల్లో సందేహాలు ఎక్కువైపోయాయి. మెగా టోర్నీలో తొలిసారి ఆడుతున్న షమార్ జోసెఫ్ తేలిపోయాడు. తన మొదటి మ్యాచ్లో వికెట్ తీయకపోగా.. 4 ఓవర్లలో 47 పరుగులు ఇచ్చాడు. ఇదే సీజన్లో ఒక మ్యాచ్లో ఐదు వికెట్ల ప్రదర్శన చేసిన యశ్ ఠాకూర్ కూడా ఇప్పుడు పెద్దగా ప్రభావం చూపించడం లేదు. రవి బిష్ణోయ్, కృనాల్, మోహ్సిన్ ఖాన్పైనే బౌలింగ్ భారం పడింది.
పిచ్ పరిస్థితి.. టాస్ నెగ్గితే ఏంటి?
ఐపీఎల్లో అలవోకగా 200+ స్కోర్లు నమోదవుతుంటే.. ఏకనా మైదానంలో జరిగిన గత మూడు మ్యాచుల్లోనూ ఈ మార్క్ దాటకపోవడం గమనార్హం. పంజాబ్పై లఖ్నవూ 199 పరుగులు చేసింది. ఇదే ఈ సీజన్లో అత్యధికం. పిచ్ పేసర్లకు అనుకూలంగా ఉండే అవకాశం ఉందని క్రికెట్ విశ్లేషకుల అంచనా. టాస్ నెగ్గే జట్టు తొలుత బ్యాటింగ్ చేయడానికి మొగ్గు చూపనుంది. ఇప్పటివరకు ఇరు జట్లూ కేవలం రెండు మ్యాచుల్లోనే తలపడ్డాయి. చెరొక విజయంతో సమంగా నిలిచాయి. ఈ మ్యాచ్లో చెన్నై గెలిస్తే.. హ్యాట్రిక్ విక్టరీ అవుతుంది. అప్పుడు లఖ్నవూకు హ్యాట్రిక్ ఓటమి ఎదురవుతుంది.
తుది జట్లు (అంచనా):
లఖ్నవూ: క్వింటన్ డికాక్, కేఎల్ రాహుల్ (కెప్టెన్/వికెట్ కీపర్), దీపక్ హుడా, ఆయుశ్ బదోని, మార్కస్ స్టాయినిస్, నికోలస్ పూరన్, కృనాల్ పాండ్య, రవి బిష్ణోయ్, మోహ్సిన్ ఖాన్, షమార్ జోసెఫ్, యశ్ ఠాకూర్. ఇంపాక్ట్ ప్లేయర్: మయాంక్ యాదవ్/అర్షద్ ఖాన్
చెన్నై: రచిన్ రవీంద్ర, రుతురాజ్ గైక్వాడ్ (కెప్టెన్), అజింక్య రహానె, మొయిన్ అలీ, శివమ్ దూబె, రవీంద్ర జడేజా, సమీర్ రిజ్వీ, ఎంఎస్ ధోనీ (వికెట్ కీపర్), శార్దూల్ ఠాకూర్, తుషార్ దేశ్ పాండే, ముస్తాఫిజుర్ రహ్మాన్. ఇంపాక్ట్ ప్లేయర్: పతిరన
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
కేరళ, బెంగాల్ గవర్నర్ కార్యాలయాలకు సుప్రీం నోటీసులు
-
జాస్పర్ నగరం సగం భస్మీపటలం..!
-
నిరుద్యోగులూ నిరసనలు వద్దు.. మీ అన్నగా అండగా ఉంటా: సీఎం రేవంత్రెడ్డి
-
అంత డబ్బు నా వద్ద లేదు: జాన్వీకపూర్
-
జేడీ వాన్స్ వ్యాఖ్యలు వైరల్.. తీవ్రంగా ఖండించిన ప్రముఖ నటి
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు