అదరగొట్టిన శ్రీజ
తెలంగాణ టేబుల్ టెన్నిస్ సంచలనం ఆకుల శ్రీజ అదరగొట్టింది. మహిళల సింగిల్స్లో జాతీయ ఛాంపియన్షిప్ టైటిల్ నిలబెట్టుకోవడంతో పాటు మరో రెండు స్వర్ణాలు, ఓ కాంస్యం ఖాతాలో వేసుకుంది.
సింగిల్స్లో రెండోసారి జాతీయ ఛాంపియన్
మరో రెండు స్వర్ణాలు, కాంస్యం కైవసం
జమ్ము: తెలంగాణ టేబుల్ టెన్నిస్ సంచలనం ఆకుల శ్రీజ అదరగొట్టింది. మహిళల సింగిల్స్లో జాతీయ ఛాంపియన్షిప్ టైటిల్ నిలబెట్టుకోవడంతో పాటు మరో రెండు స్వర్ణాలు, ఓ కాంస్యం ఖాతాలో వేసుకుంది. ఆర్బీఐ తరపున బరిలో దిగిన ఆమె.. టీమ్, మహిళల డబుల్స్లోనూ బంగారు పతకాలు పట్టేసింది. మిక్స్డ్ డబుల్స్లో కాంస్యం సొంతం చేసుకుంది. పోటీపడిన అన్ని విభాగాల్లోనూ ఆమె పతకాలు గెలవడం విశేషం. సోమవారం సింగిల్స్ ఫైనల్లో శ్రీజ 9-11, 14-12, 11-7, 13-11, 6-11, 12-10 తేడాతో సుతీర్థ (పశ్చిమ బెంగాల్)పై నెగ్గింది. తొలి గేమ్లో ఓటమితో పోరును మొదలెట్టిన ఆమె.. ఒత్తిడిని అధిగమించి బలంగా పుంజుకుంది. వరుసగా మూడు గేమ్లు గెలిచి టైటిల్కు చేరువైంది. కానీ అయిదో గేమ్లో ఓటమి ఎదురైనా.. ఆరో గేమ్లో పోరాడి నెగ్గిన శ్రీజ వరుసగా రెండో సారి జాతీయ సీనియర్ ఛాంపియన్గా నిలిచింది. మహిళల డబుల్స్ తుదిపోరులో శ్రీజ- దియా జోడీ 11-7, 11-7, 8-11, 14-12తో స్వస్థిక- శ్రుతి (మహారాష్ట్ర) జంటపై విజయం సాధించింది. మిక్స్డ్ డబుల్స్ సెమీస్లో మానుష్- శ్రీజ 9-11, 10-12, 12-10, 5-11తో మానవ్- అర్చన చేతిలో ఓడి కంచుకే పరిమితమయ్యారు. మహిళల టీమ్ విభాగంలో ఇప్పటికే ఆర్బీఐ 3-2తో తమిళనాడుపై గెలిచిన సంగతి తెలిసిందే. మరోవైపు పురుషుల డబుల్స్లో తెలంగాణ జోడీ.. మహమ్మద్ అలీ- వాన్ష్ సింఘాల్ రజతం నెగ్గారు. ఫైనల్లో ఈ జంట 6-11, 7-11, 6-11తో జీత్చంద్ర- అంకుర్ (పశ్చిమ బెంగాల్) చేతిలో ఓడింది. సింగిల్స్ టైటిల్ను సత్యన్ సొంతం చేసుకున్నాడు. నిరుడు కామన్వెల్త్ క్రీడల మిక్స్డ్ డబుల్స్లో శరత్ కమల్తో కలిసి ఛాంపియన్గా నిలిచిన శ్రీజ నిలకడగా రాణిస్తోంది. ఈ ఏడాది జరిగే ప్రపంచ ఛాంపియన్షిప్స్లో ఆమె బరిలో దిగనుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ట్రావిస్ హెడ్ బలహీనతను పట్టిన బెంగళూరు..!
ఉప్పల్లో హైదరాబాద్-బెంగళూరు మధ్య జరిగిన మ్యాచ్లో ట్రావిస్ హెడ్ బలహీనత మరోసారి బయటపడింది. ఆర్సీబీ కెప్టెన్ ఫాఫ్ దీనిని చక్కగా సద్వినియోగం చేసుకున్నాడు. -
అప్పుడు పరుగులు చేసింది కోహ్లీ ఒక్కడే: డుప్లెసిస్
Faf du Plessis: విజయంతోనే జట్టులో విశ్వాసం వస్తుందన్నాడు బెంగళూరు సారథి ఫాఫ్ డుప్లెసిస్. తమ జట్టులో విరాట్ కోహ్లీ టాప్ స్కోరర్గా ఉండటం ఆనందంగా ఉందన్నాడు. -
ప్రతి మ్యాచ్లో అది పనిచేయదు, అయినా..: కమిన్స్
Pat Cummins: హైదరాబాద్ వేదికగా గురువారం జరిగిన ఐపీఎల్ మ్యాచ్లో బెంగళూరు చేతిలో సన్రైజర్స్ ఓటమిపాలైంది. దీనిపై కమిన్స్ మాట్లాడుతూ.. తమ జట్టు అనుసరిస్తున్న వ్యూహాన్ని సమర్థించుకున్నాడు. -
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
ఓటీటీలోకి యాక్షన్ థ్రిల్లర్ ‘యోధ’.. ప్రస్తుతానికి అద్దె ప్రాతిపదికన..
-
ఈనాడు.నెట్లో టాప్ 10 వార్తలు @ 1 PM
-
రేమండ్ వివాదం.. డైరెక్టర్గా నవాజ్ మోదీ తొలగింపు!
-
అలా చేయాలని చెబితే.. భారత్ నుంచి వెళ్లిపోతాం: వాట్సప్
-
ట్రావిస్ హెడ్ బలహీనతను పట్టిన బెంగళూరు..!
-
విజయ్ మాల్యా అటుగా వస్తే మాకు అప్పగించండి: ఫ్రాన్స్కు భారత్ విజ్ఞప్తి