Sourav Ganguly: కోహ్లిని అన్‌ఫాలో చేసిన దాదా

కోల్‌కతా: దిల్లీ క్యాపిటల్స్‌ డైరెక్టర్‌ సౌరభ్‌ గంగూలీ, రాయల్స్‌ ఛాలెంజర్స్‌ బెంగళూరు స్టార్‌ విరాట్‌ కోహ్లి మధ్య ప్రచ్ఛన్న యుద్ధం కొనసాగుతోంది. ఇన్‌స్టాగ్రామ్‌లో విరాట్‌ని దాదా అన్‌ఫాలో చేశాడు. తాజాగా దిల్లీ, బెంగళూరు మధ్య ఐపీఎల్‌ మ్యాచ్‌లో కొరకొర చూసుకున్న వీళ్లిద్దరూ కనీసం కరచాలనం చేసుకోలేదు. ఈ సంఘటన జరిగిన మరుసటి రోజే గంగూలీని ఇన్‌స్టాలో కోహ్లి అన్‌ఫాలో చేయగా.. తాజాగా దాదా కూడా అదే పని చేశాడు. బీసీసీఐ అధ్యక్షుడిగా గంగూలీ ఉన్న సమయంలోనే టీమ్‌ఇండియా వన్డే కెప్టెన్‌గా విరాట్‌పై వేటు పడింది. అప్పటినుంచి వీళ్లిద్దరి మధ్య సత్సంబంధాలు లేవు.