విలియమ్సన్‌ సెంచరీ

న్యూజిలాండ్‌ 266/8

సిల్‌హట్‌: బంగ్లాదేశ్‌, న్యూజిలాండ్‌ మధ్య తొలి టెస్టు నువ్వానేనా అన్నట్టుగా సాగుతోంది. ఆతిథ్య బంగ్లాదేశ్‌ను తక్కువ స్కోరుకే ఆలౌట్‌ చేసిన కివీస్‌కు.. బ్యాటుతో ఇబ్బందులు తప్పలేదు. ఎడమచేతి వాటం స్పిన్నర్‌ తైజుల్‌ ఇస్లాం (4/89) సత్తా చాటడంతో రెండో రోజు ఆట ముగిసే సమయానికి న్యూజిలాండ్‌ 8 వికెట్లకు 266 పరుగులు సాధించింది. కేన్‌ విలియమ్సన్‌ (104; 205 బంతుల్లో 11×4) తన టెస్టు కెరీస్‌లో 29వ సెంచరీతో జట్టును ఆదుకున్నాడు. మిచెల్‌ (41; 54 బంతుల్లో 3×4, 1×6), గ్లెన్‌ ఫిలిప్స్‌ (42; 62 బంతుల్లో 5×4, 1×6) రాణించారు. బంగ్లా బౌలర్లలో షొరిఫుల్‌ ఇస్లాం (1/44), మెహదీ హసన్‌ (1/57), నయీం హసన్‌ (1/61), మొమినుల్‌ హక్‌ (1/2) ఒక్కో వికెట్‌ తీశారు. బంగ్లా స్కోరును అందుకోవాలంటే కివీస్‌ మరో 44 పరుగులు చేయాలి. అంతకుముందు ఓవర్‌నైట్‌ స్కోరు 310/9తో రెండో రోజు ఉదయం ఆట కొనసాగించిన బంగ్లా మొదటి బంతికే షొరిఫుల్‌ (13)ను కోల్పోయింది. దీంతో అదే స్కోరు వద్ద తొలి ఇన్నింగ్స్‌కు తెరపడింది.